Sot Samat Ábish nelikten shartty merzimmen sottalǵanyn túsindirdi, - dep habarlaidy Dalanews.kz Tengrinews.kz redaktsiiasyna siltep.
«Qylmystyq kodekstiń 362-baby boiynsha shartty túrde sottalýǵa bolmaityny týraly aqparat qate. Qylmystyq kodekstiń 11-babyna sáikes, aýyr qylmystarǵa 12 jylǵa deiingi merzimge bas bostandyǵynan aiyrý kózdelgen qasaqana áreketter jatady, sáikesinshe, kórsetilgen merzimnen joǵary sanktsiiasy bar quqyq buzýshylyqtar asa aýyr qylmys sanatyna jatady», - deidi Astana sotyndaǵylar.
Sot málimetinshe, 362-bapty, 4-bóligi boiynsha eń aýyr jaza 10 jyl bas bostandyǵynan aiyrý, sondyqtan bul aýyr qylmys sanatyna jatady. Aýyr qylmystar boiynsha qylmystyq zańmen Qylmystyq kodekstiń 63-babyna sáikes shartty jaza qoldanýǵa tyiym salynbaidy. Bul norma asa aýyr sanattaǵy qylmystarǵa qoldanylmaidy.
«Samat Ábish jasaǵan qylmys sybailas jemqorlyq emes, onyń paidakúnemdik maqsatqa umtylǵany nemese is boiynsha paida tapqany týraly eshqandai dálel joq. Sondyqtan QK 63-babyn qoldanýda shekteýler bolǵan joq. Sot shartty túrde sottaýdy qoldanǵan kezde jasalǵan qylmys úshin kináni tolyq moiyndaý, shyn júrekten ókiný, asyraýynda kámeletke tolmaǵan balalardyń bolýy, sondai-aq qylmysty alǵash ret jasaý eskerildi.
Sonymen qatar, Samat Ábish qylmystyq quqyq buzýshylyqtyń ózin ashýǵa belsendi úles qosty, basqa adamdar elden zańsyz shyǵarǵan aktivterdi belgileýge jáne qaitarýǵa belsendi qatysty", - dep túsindirdi sottaǵylar.
Eske salaiyq, buǵan deiin 8 jylǵa sottalǵan Samat Ábish kinásin tolyq moiyndap, shyn júrekten ókingenin jazǵan edik.
Cot Ábishke qatysty bilikti asyra paidalanǵany úshin úkim shyǵarǵan. Birqatar buqaralyq aqparat quraldarynda jariialanǵan jariialanymdarǵa bailanysty Astana qalasynyń qylmystyq ister jónindegi aýdanaralyq soty bilikti asyra paidalandy dep aiyptalǵan Samat Ábishke qatysty qylmystyq is (QR QK 362-baby 4-bóligi) qaralǵanyn habarlaidy. "Qupiia" belgisin eskere otyryp, sot otyrystary jabyq formatta ótken.
Taraptardyń ustanymy
Sotta prokýror aiypty qoldap, sottan Ábishti belgili bir laýazymdardy atqarý quqyǵynan 10 jylǵa aiyra otyryp, 8 jylǵa bas bostandyǵynan aiyrý jazasyn taǵaiyndaýdy surady. Bul rette QK-niń 63-babynyń negizinde jazany probatsiialyq baqylaý belgilei otyryp, sol merzimge shartty túrde dep sanaýdy aiqyndady.
Sottalýshy kinásin tolyq moiyndap, shyn júrekten ókingen.
Sot úkimi
Sot úkimimen Samat Ábish QR QK 362-babynyń 4-bóliginde kózdelgen qylmysty jasaǵany úshin kináli dep tanyldy jáne 10 jyl merzimge belgili bir laýazymdardy atqarý quqyǵynan aiyryla otyryp, 8 jylǵa bas bostandyǵynan aiyryldy.
QR QK 63-baby negizinde taǵaiyndalǵan jazany shartty dep sanaý týraly qaýly etildi.
Sot sottalýshynyń jas balalarynyń bolýyn jáne onyń shyn júrekten ókinýin jazany jeńildetetin mán-jailar dep tanydy. Aýyrlatatyn mán-jailar anyqtalǵan joq.
QR QK 49-babynyń 2-bóligine sáikes sot Qazaqstan Respýblikasynyń Prezidentine arnaýly ataǵynan jáne memlekettik nagradalarynan aiyrý týraly usynys engizý týraly sheshim qabyldady.
