Shyǵys Qazaqstan oblysy Samar aýdanynyń ákimi Nurlan Mahambetov Óńirlik komýnıkasıalar qyzmetiniń alańynda ótken baspasóz máslıhatynda búgingi tańda memleket menshigine aýyl sharýashylyǵy sanatyndaǵy 15,5 myń ga jer ýchaskesi qaıtarylǵanyn aıtyp ótti, – dep habarlaıdy Dalanews.kz.

– Memleket menshigine taǵy 20 myń gektar jerdi qaıtarý qajet. Jyl sońyna deıin 4,5 myń gektar jerdi josparlap otyrmyz, – dedi Samar aýdanynyń ákimi.

Sondaı-aq, ol aýyl sharýashylyǵy aýdan ekonomıkasy úshin mańyzdy ekenin atap ótti.

– Búgingi tańda bizde 428 sharýa qojalyǵy tirkelgen. Sýbsıdıalar alý úshin aýdannyń aýyl sharýashylyǵy taýar óndirýshileri jalpy somasy 360,9 mln teńgege 280 ótinim berdi. 171,4 mln teńgege 14 birlik aýyl sharýashylyǵy tehnıkasy satyp alǵan. Sonymen qatar, aǵymdaǵy jyly "Qaraótkel" sharýa qojalyǵy aberdın-angýs asyl tuqymdy 200 bas iri qara mal satyp alýdy josparlap otyr, – dedi Nurlan Mahambetov.

Aýdan ákimi brıfıń barysynda  búgingi tańda astyqty sapaly jáne ýaqtyly jınaý birinshi kezektegi mindet ekenin atap ótti.

– Aýa raıynyń qolaısyzdyǵyna baılanysty búgingi tańda astyq ónimi 36,7% qurap otyr. Kúzgi dala jumystaryna  1167 tonna arzandatylǵan dızel otyny bólindi. Zaýyttyq satý baǵasy lıtrine 250 teńgeni qurady, – dep tolyqtyrdy spıker.