Saltanat Núkenovanyń ólimine qatysty is boiynsha sottalǵan Bahytjan Baijanov amnistiiaǵa iligý úshin ótinish berdi, dep habarlaidy Dalanews.kz.
«2024 jylǵy 9 shildede Stepnogor aýdandyq sotyna Bahytjan Baijanov jazasyn amnistiia týraly zańǵa sáikes qysqartý týraly ótinish joldady. Qaraý kúni áli belgilengen joq», – delingen Joǵarǵy sottyń Informburo.kz-ke bergen jaýabynda.
Aita keteiik, 2024 jyldyń maýsym aiynyń sońynda sot úkimi kúshine engen bolatyn. Onda Baijanov asa aýyr qylmysty kúni buryn ýaǵdalaspai jasyryp qalǵany úshin kináli dep tanylyp, tórt jylǵa bas bostandyǵynan aiyrylǵan. Amnistiia týraly zańǵa sáikes, mundai sanattaǵy qylmystar úshin jaza merziminiń besten bir bóligin qysqartý qarastyrylǵan. Bul shamamen toǵyz aiǵa qysqarýdy bildiredi.
2023 jylǵy 26 tamyzda Baijanov óziniń kassatsiialyq shaǵymyn qaitaryp alǵan. Onyń advokaty mundai sheshimniń sebebin ataýdan bas tartqanymen, qorǵaýyndaǵy adamnyń kez kelgen ýaqytta qaita júginýge quqyǵy bar ekenin, bul úshin eskerý merzimi joq ekenin atap ótken.
23 maýsymda Qazaqstan Prezidenti Konstitýtsiianyń 30 jyldyǵyna orai amnistiia týraly zańǵa qol qoidy. Bul zań 15 myńnan astam sottalǵan adamǵa qatysty qoldanylady. Solardyń shamamen eki myńy túrmeden bosatylyp, qalǵandarynyń jaza merzimi qysqarady. Amnistiiany qoldaný máselesine qatysty materialdar 2025 jyldyń sońyna deiin sottarǵa joldanatyn bolady.
