سالتانات نٷكەنوۆانىڭ ٶلٸمٸنە قاتىستى ٸس بويىنشا سوتتالعان باحىتجان بايجانوۆ امنيستيياعا ٸلٸگۋ ٷشٸن ٶتٸنٸش بەردٸ, دەپ حابارلايدى Dalanews.kz.
«2024 جىلعى 9 شٸلدەدە ستەپنوگور اۋداندىق سوتىنا باحىتجان بايجانوۆ جازاسىن امنيستييا تۋرالى زاڭعا سەيكەس قىسقارتۋ تۋرالى ٶتٸنٸش جولدادى. قاراۋ كٷنٸ ەلٸ بەلگٸلەنگەن جوق», – دەلٸنگەن جوعارعى سوتتىڭ Informburo.kz-كە بەرگەن جاۋابىندا.
ايتا كەتەيٸك, 2024 جىلدىڭ ماۋسىم ايىنىڭ سوڭىندا سوت ٷكٸمٸ كٷشٸنە ەنگەن بولاتىن. وندا بايجانوۆ اسا اۋىر قىلمىستى كٷنٸ بۇرىن ۋاعدالاسپاي جاسىرىپ قالعانى ٷشٸن كٸنەلٸ دەپ تانىلىپ, تٶرت جىلعا باس بوستاندىعىنان ايىرىلعان. امنيستييا تۋرالى زاڭعا سەيكەس, مۇنداي ساناتتاعى قىلمىستار ٷشٸن جازا مەرزٸمٸنٸڭ بەستەن بٸر بٶلٸگٸن قىسقارتۋ قاراستىرىلعان. بۇل شامامەن توعىز ايعا قىسقارۋدى بٸلدٸرەدٸ.
2023 جىلعى 26 تامىزدا بايجانوۆ ٶزٸنٸڭ كاسساتسييالىق شاعىمىن قايتارىپ العان. ونىڭ ادۆوكاتى مۇنداي شەشٸمنٸڭ سەبەبٸن اتاۋدان باس تارتقانىمەن, قورعاۋىنداعى ادامنىڭ كەز كەلگەن ۋاقىتتا قايتا جٷگٸنۋگە قۇقىعى بار ەكەنٸن, بۇل ٷشٸن ەسكەرۋ مەرزٸمٸ جوق ەكەنٸن اتاپ ٶتكەن.
23 ماۋسىمدا قازاقستان پرەزيدەنتٸ كونستيتۋتسييانىڭ 30 جىلدىعىنا وراي امنيستييا تۋرالى زاڭعا قول قويدى. بۇل زاڭ 15 مىڭنان استام سوتتالعان ادامعا قاتىستى قولدانىلادى. سولاردىڭ شامامەن ەكٸ مىڭى تٷرمەدەن بوساتىلىپ, قالعاندارىنىڭ جازا مەرزٸمٸ قىسقارادى. امنيستييانى قولدانۋ مەسەلەسٸنە قاتىستى ماتەريالدار 2025 جىلدىڭ سوڭىنا دەيٸن سوتتارعا جولداناتىن بولادى.
