Aitbek Amangeldi Joǵarǵy sotqa Qýandyq Bishimbaevqa qarsy azamattyq talap-aryz berdi, dep habarlaidy Dalanews.kz.
Is sot kabinetinde jariialanǵan.
Talap-aryzdyń qandai negizde berilgeni belgisiz.
Sot kabinetiniń málimetine sáikes, Aitbek Amangeldi Joǵarǵy sotqa qaryndasy Saltanat Núkenovany óltirgeni úshin sottalǵan Qýandyq Bishimbaevqa qarsy azamattyq talap-aryz túsirgen.
Is 17 naýryzda sýdiaǵa berilgen. Alaida talap-aryzdyń qandai mán-jailarǵa súiene otyryp berilgeni belgisiz.
Eske salaiyq, buǵan deiin qamaýda otyrǵan Qýandyq Bishimbaev sotqa shaǵym túsirgen bolatyn. Buǵan mekeme basshylyǵynyń oǵan jeńildik jasamaýy sebep bolǵan.
Qylmystyq-atqarý júiesi komiteti baspasóz qyzmetiniń habarlaýynsha, qoldanystaǵy zańnamaǵa sáikes, sottalǵandarǵa jazany óteý tártibin buzǵan jaǵdaida kótermeleý sharalary qoldanylmaidy.
"Bul sottalýshy bir ret zań buzǵanyn eskere otyryp, sot sottalýshynyń shaǵymyn qanaǵattandyrmady", - dep habarlady vedomstvonyń baspasóz qyzmeti.
Alaida Bishimbaevtyń qandai zań buzǵany aitylmady.
Aita keteiik, biyl 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
Áielin óltirgeni úshin 24 jylǵa qamaýǵa alynǵan Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
