QR Qarjy ministrligi Memlekettik kirister komiteti naqty shyǵyn men kiristi salystyrý maqsatynda iri premiým sanatyndaǵy fitnes klýbtar men meiramhanalardy tekserýdi bastady, – dep habarlaidy Dalanews.kz.
Qazir memlekettik biýdjetke 27 mlrd teńgeden asa salyq tólengen:
- Onyń ishinde qurylys kompaniialarynan – 16,5 mlrd teńge;
- Saýda uiymdarynan - 2,8 mlrd teńge;
- Qyzmet kórsetý salasy boiynsha – 2,1 mlrd teńge;
- Basqa salalardan – 5,6 mlrd teńge tústi.
"Bul rette osy baǵyttaǵy jumys jalǵasyp jatyr", - dep jazylǵan habarlamada.
28 aqpanda premer-ministr Oljas Bektenov vitse-premer-ulttyq ekonomika ministri Serik Jumanǵarinmen jáne qarjy ministri Mádi Takievpen birge jumys keńesin ótkizdi. Keńeste salyq-biýdjet reformasy jáne salyq túsimderin baqylaýdy kúsheitý máseleleri qaraldy.
Oljas Bektenov kásipkerlerden eki apta ishinde salyq organdaryna qosymsha salyq deklaratsiialaryn tapsyrýdy jáne shynaiy salyq somasyn tóleýdi surady.
