Almatynyń burynǵy ákimi bolǵan Baqytjan Saǵyntaevtyń burynǵy kúieýbalasy, kásipker Baqyt Ibragimovtiń ólimine qatysty is toqtatyldy, - dep habarlaidy Dalanews.kz.
Bul týraly Almatynyń Politsiia departamenti Tengrinews.kz tilshilerine aityp bergen
"Almaly aýdany politsiia basqarmasy bul fakti boiynsha Qazaqstannyń Qylmystyq kodeksiniń 105-babynyń 1-bóligi (“Óz-ózine qol jumsaýǵa itermeleý”) aiasynda tirkelgen qylmystyq is sheńberinde sotqa deiingi tergeý júrgizdi. Tiisti saraptamalyq zertteýler taǵaiyndaldy. Tergeý sharalarynyń nátijesinde qylmystyq is boiynsha óndiris QR QPK 35-babynyń 1-bóligi, 2-tarmaǵy negizinde (qylmystyq quqyqbuzýshylyq quramynyń bolmaýyna bailanysty - red.) toqtatyldy", delingen politsiianyń habarlamasynda.
Bul sheshimdi Almatynyń Almaly aýdandyq prokýratýrasymen maquldanǵan.
Eske salaiyq, 2020 jyly Baqyt Ibragim Jomart Ertaevpen birge RBK Bank-te "qarjy jymqyrdy" dep sottalyp, 2023 jyly kúzde bosap shyqqany kópshilikke málim.
14 naýryzda bankir Baqyt Ibragim óz-ózine qol jumsaǵan bolatyn. Buǵan deiin ol Qazaq banki iri bankin basqaryp, tipti onyń aktsioneri bolǵan. Oqiǵa oryn alǵan kúni Almaty politsiia departamenti qaiǵyly jaitty rastaǵan edi. Sonymen qatar sýitsid bolǵanyn málimdedi. Baqyt Ibragimov 1985 jyly 28 mamyrda týǵan.
Kásipkerdiń jeke ómirine qatysty málimet joqtyń qasy. Kei málimetterde onyń burynǵy áieli Merýert Ábdir ekeni aitylady. Merýert Ábdir – Baqytjan Saǵyntaevtyń úlken qyzy.
Biyl 22 qazanda marqum kásipker Baqyt Ibragimovten tárkilengen úi satylymǵa qoiyldy.
Shymbulaqtaǵy eki qabatty úi 2020 jyldyń qarashasynda tárkilengen bolatyn. Ǵimaratty tárkileý týraly qaýlyny Almaly aýdandyq soty shyǵardy.
Kottedj burynǵy Gornyi, qazirgi Kerei jáne Jánibek kóshelerinde ornalasqan.
Saýdaǵa qoiylǵan úidi satyp alýshy da tabylǵan. Alaida saýda nátijesi joiylǵan. Endi úi qaitadan satylymǵa shyǵyp, 380 million teńgege baǵalanyp otyr.
Sonymen qatar, 17 shildede Baqyt Ibragimniń Shymkenttegi múlki men aktsiialary memleketke qaitaryldy.
Bul týraly Shymkent qalasynyń prokýratýrasy habarlady.
Shymkent qalasynyń prokýratýrasymen biyl I-jartyjyldyqta ekonomikalyq resýrstardy monopoliiasyzdandyrý salasynda jalpy quny 5,9 mlrd teńge múlik jáne aktsiialar memleketke qaitaryldy.
Osylaisha, sot azamat Baqyt Ibragimniń qylmystyq jolmen alǵan jer ýchaskesi men qurylystardy memleketke qaitarý týraly qala prokýratýrasynyń talap aryzyn qanaǵattandyrdy.
Baǵalaý qorytyndysyna sáikes quny 357,7 mln teńge kórsetilgen jyljymaityn múlik Shymkent qalasy memlekettik múlik jáne jekeshelendirý departamentine berildi.
