Saǵyntaev túlekterdi oqý jylynyń aiaqtalýymen quttyqtady
Ákim biyl 11 337 mektep bitirýshi úshin qońyraý soǵylatynyn habarlady. Jas túlektiń 642-si «Altyn belgige», 758-i úzdik attestatqa úmitker ekenin aitty.
Biylǵy oqý jyly pandemiiaǵa bailanysty tolyǵymen onlain formatta ótti. Oqýshylardyń 97%-y qashyqtan bilim aldy.
– Muǵalimder shydamdylyq tanytyp, ata-analar qoldaý bildirip, al balalar eńbekqorlyǵy men kúsh-jigerin kórsetkeni úshin alǵys aitamyn, – dep jazdy ákim jáne úilesimdi jumystyń arqasynda balalar oqýda jaqsy nátije kórsetkenin atap ótti.
Eske salsaq, Almaty komandasy oqýshylar arasyndaǵy jalpy bilim beretin pánder boiynsha jyl saiynǵy respýblikalyq olimpiada 18 ret jeńiske jetken bolatyn.
«Qurmetti túlekter! Jańa ómir álemine nyq senimmen qadam basqaly tursyzdar. Ańsaǵan armandaryń oryndalyp, alǵa qoiǵan maqsattaryńa jetińder! Sizderge zor densaýlyq pen tabys tileimin! Aq jol!» dep qorytyndylady qala ákimi.
