اكىم بيىل 11 337 مەكتەپ ءبىتىرۋشى ءۇشىن قوڭىراۋ سوعىلاتىنىن حابارلادى. جاس تۇلەكتىڭ 642ء-سى «التىن بەلگىگە»، 758ء-ى ۇزدىك اتتەستاتقا ۇمىتكەر ەكەنىن ايتتى.
بيىلعى وقۋ جىلى پاندەمياعا بايلانىستى تولىعىمەن ونلاين فورماتتا ءوتتى. وقۋشىلاردىڭ 97%-ى قاشىقتان ءبىلىم الدى.
– مۇعالىمدەر شىدامدىلىق تانىتىپ، اتا-انالار قولداۋ ءبىلدىرىپ، ال بالالار ەڭبەكقورلىعى مەن كۇش-جىگەرىن كورسەتكەنى ءۇشىن العىس ايتامىن، – دەپ جازدى اكىم جانە ۇيلەسىمدى جۇمىستىڭ ارقاسىندا بالالار وقۋدا جاقسى ناتيجە كورسەتكەنىن اتاپ ءوتتى.
ەسكە سالساق، الماتى كومانداسى وقۋشىلار اراسىنداعى جالپى ءبىلىم بەرەتىن پاندەر بويىنشا جىل سايىنعى رەسپۋبليكالىق وليمپيادا 18 رەت جەڭىسكە جەتكەن بولاتىن.
«قۇرمەتتى تۇلەكتەر! جاڭا ءومىر الەمىنە نىق سەنىممەن قادام باسقالى تۇرسىزدار. اڭساعان ارماندارىڭ ورىندالىپ، العا قويعان ماقساتتارىڭا جەتىڭدەر! سىزدەرگە زور دەنساۋلىق پەن تابىس تىلەيمىن! اق جول!» دەپ قورىتىندىلادى قالا اكىمى.
