Saǵyntaev qala turǵyndaryna delta-shtammynan saqtanýdyń jalǵyz joly vaktsinatsiialaý ekenin aitty
Almatydaǵy epidemiologiialyq ahýal aǵymdaǵy jyldyń 18 maýsymynda SEBD mamandary tirkegen «Delta» shtammynyń taralýyna bailanysty kúrdelene túsýde
Osyǵan orai KVI-diń mýtatsiialanǵan shtammdaryn zertteý jalǵasýda. Aǵymdaǵy jyldyń 1 shildesindegi zertteýler nátijesinde KVI naýqastarynan alynǵan 88 synamanyń nusqalary anyqtaldy, 67 synamada «Delta» (76%), 14-inde (16%) «Alfa» (britandyq), 2-ýinde neden paida bolǵany belgisiz, 3 nátije teris (3,4%), 1-inde (1,1%) COVID-19 (ýhandyq). Aǵymdaǵy jyldyń 3 shildesinen bastap júrgizilgen zertteýler KVI naýqastarynan alynǵan 45 synamanyń nusqalary mynany kórsetti, 35-inde «Delta»(78%) , 6-da (13%) «Alfa» (britandyq) jáne tek 1-ýinde (2,2%) COVID -19 (ýhandyq) shtammdary anyqtaldy.
Budan ózge, mamandar KVI-diń simptomdy naýqastarynyń úles salmaǵynyń arta túskenin aitýda. Sońǵy 7 kúnde, aldyńǵy 7 kúnmen salystyrǵanda 1,5 esege ósýde, «Delta» nusqasynyń ainalymy 46%-dan 73%-ǵa deiin jyldam, bul KVI-diń aýyr klinikalyq kórinisterine aparady.
Sońǵy 2 aptadaǵy jas qurylymyn taldaý balalar men jastarǵa «Delta» shtammynyń tez juǵatynyn kórsetti. Máselen, 1 jasqa deiingi naýqas balalardyń úlesi salmaǵy 0,7% - 2,8% deiin ósti; 14 jasqa deiingi balalar 0,4% - 15,0% deiin; 15 - 19 jas aralyǵyndaǵy jasóspirimder - 0,8% - 5,2% deiin jáne 40 - 59 jastaǵy azamattar - 1,5% - 24,7%.
Sondyqtan qala turǵyndary balalar men jasóspirimderdiń jaǵdaiyna erekshe nazar aýdaryp, olardyń adamdar kóp shoǵyrlanǵan jerlerge barýyn shekteýleri tiis. Orta jastaǵy adamdar sanitarlyq-epidemiologiialyq qaýipsizdik sharalaryn saqtaýdy kúsheitkenderi jón.
Jumyspen qamtý boiynsha sońǵy 14 kúnde KVI aýrýy ózin-ózi jumyspen qamtyǵandar arasynda - 35%, ártúrli JShS jumysshylary, jeke kásipkerler, AQ - 19%, zeinetkerler - 17,4%, sondai-aq mektep oqýshylary arasynda - 10,3% basym jáne mektep jasyna deiingi balalar - 7%, bul jalpy jaǵdailardyń 89% quraidy.
