Biylǵy oqý jylynda Almaty mektepterine 301 171 oqýshy bardy. Memlekettik mektepterde 280 458 balalar men jasóspirimder bilim alýda, al jekemenshik mektepterdegi oqýshy sany – 20 713. Memlekettik mektepterde birinshi synyp oqýshylarynyń sany 3 myńǵa jýyq ósip, 1-synypta 30 751 oqýshy bilim alýda.
– Oqýshylardyń densaýlyǵyn saqtaý jáne qaýipsiz jaǵdai jasaý maqsatynda oqý protsesi bir mezgilde úsh baǵytta quryldy. Birinshiden, oflain oqytýda synyptardaǵy oqýshy sany 25 oqýshyǵa deiin bolýy tiis. Bul talap oryndalýda. Búginde 45 memlekettik mektepte 104 246 oqýshy nemese olardyń 37%-y dástúrli formatta oqýdy bastap ketti. 71 jekemenshik mektepterde 20 650 oqýshy oflain oqýda, iaǵni 99%-dan asady, – dedi qala basshysy.
Ekinshiden, oqytý aralas júrgizilýde, iaǵni negizgi pánder mektepte, qalǵandary qashyqtan oqytylady. Búginde oqytýdyń osy formatymen162 memlekettik mekteptiń 154 424 oqýshysy nemese 55%-y qamtylǵan.
Úshinshiden, 21 788 oqýshy onlain formatta oqidy, bul 8%-dy quraidy. Oqytýdyń bul formasymen negizinen infektsiiamen aýyrǵan balalar, naýqastarmen bailanysta bolǵandar, aýrýǵa shaldyǵý qaýpi bar balalar, sondai-aq ata-analary mektep ákimshiligine qashyqtyqtan oqytý týraly jazbasha ótinish bergen balalardy qamtylǵan.
Oqý júktemesine jáne oqýshylardyń kontingentine bailanysty ata-analarmen kelise otyryp, mektepterde 5 jáne 6 kúndik oqytý uiymdastyrylǵan.
Qoǵamdyq densaýlyq basqarmasy jáne Sanitarlyq-epidemiologiialyq baqylaý departamenti birlesip mektepterdegi jaǵdaiǵa kúndelikti monitoring júrgizedi. Baqytajan Saǵyntaev dertti balalarǵa juqtyrmaý úshin ata-analardyń barynsha saq bolýlary tiis ekenin atap ótti. Ol úshin jaýapkershilikti jete seziný jáne vaktsinalaný qajet.
