بيىلعى وقۋ جىلىندا الماتى مەكتەپتەرىنە 301 171 وقۋشى باردى. مەملەكەتتىك مەكتەپتەردە 280 458 بالالار مەن جاسوسپىرىمدەر ءبىلىم الۋدا، ال جەكەمەنشىك مەكتەپتەردەگى وقۋشى سانى – 20 713. مەملەكەتتىك مەكتەپتەردە ءبىرىنشى سىنىپ وقۋشىلارىنىڭ سانى 3 مىڭعا جۋىق ءوسىپ، 1-سىنىپتا 30 751 وقۋشى ءبىلىم الۋدا.
– وقۋشىلاردىڭ دەنساۋلىعىن ساقتاۋ جانە ءقاۋىپسىز جاعداي جاساۋ ماقساتىندا وقۋ پروسەسى ءبىر مەزگىلدە ءۇش باعىتتا قۇرىلدى. بىرىنشىدەن، وفلاين وقىتۋدا سىنىپتارداعى وقۋشى سانى 25 وقۋشىعا دەيىن بولۋى ءتيىس. بۇل تالاپ ورىندالۋدا. بۇگىندە 45 مەملەكەتتىك مەكتەپتە 104 246 وقۋشى نەمەسە ولاردىڭ 37%-ى ءداستۇرلى فورماتتا وقۋدى باستاپ كەتتى. 71 جەكەمەنشىك مەكتەپتەردە 20 650 وقۋشى وفلاين وقۋدا، ياعني 99%-دان اسادى، – دەدى قالا باسشىسى.
ەكىنشىدەن، وقىتۋ ارالاس جۇرگىزىلۋدە، ياعني نەگىزگى پاندەر مەكتەپتە، قالعاندارى قاشىقتان وقىتىلادى. بۇگىندە وقىتۋدىڭ وسى فورماتىمەن162 مەملەكەتتىك مەكتەپتىڭ 154 424 وقۋشىسى نەمەسە 55%-ى قامتىلعان.
ۇشىنشىدەن، 21 788 وقۋشى ونلاين فورماتتا وقيدى، بۇل 8%-دى قۇرايدى. وقىتۋدىڭ بۇل فورماسىمەن نەگىزىنەن ينفەكسيامەن اۋىرعان بالالار، ناۋقاستارمەن بايلانىستا بولعاندار، اۋرۋعا شالدىعۋ ءقاۋپى بار بالالار، سونداي-اق اتا-انالارى مەكتەپ اكىمشىلىگىنە قاشىقتىقتان وقىتۋ تۋرالى جازباشا ءوتىنىش بەرگەن بالالاردى قامتىلعان.
وقۋ جۇكتەمەسىنە جانە وقۋشىلاردىڭ كونتينگەنتىنە بايلانىستى اتا-انالارمەن كەلىسە وتىرىپ، مەكتەپتەردە 5 جانە 6 كۇندىك وقىتۋ ۇيىمداستىرىلعان.
قوعامدىق دەنساۋلىق باسقارماسى جانە سانيتارلىق-ەپيدەميولوگيالىق باقىلاۋ دەپارتامەنتى بىرلەسىپ مەكتەپتەردەگى جاعدايعا كۇندەلىكتى مونيتورينگ جۇرگىزەدى. باقىتاجان ساعىنتايەۆ دەرتتى بالالارعا جۇقتىرماۋ ءۇشىن اتا-انالاردىڭ بارىنشا ساق بولۋلارى ءتيىس ەكەنىن اتاپ ءوتتى. ول ءۇشىن جاۋاپكەرشىلىكتى جەتە سەزىنۋ جانە ۆاكسينالانۋ قاجەت.
