Salynyp jatqan metro stantsiialaryn aralaý kezinde qala ákimine qural-jabdyqtardy jetkizý, qurylys jáne árleý jumystarynyń jaǵdaiy týraly baiandaldy. «Saryarqa» men «Dostyq» stantsiialarynyń daiyndyǵy 80%-dan asady. Baqytjan Saǵyntaev metro qurylysyn belgilengen merzimde aiaqtalýyna baqylaýdy kúsheitýdi jáne qosymsha jumys kúshin jumyldyrý qajettigine nazar aýdardy.
Metronyń basqa nysany – Qalqaman stantsiiasynda montajdy-shitti qazý jumystary daiyn jáne úshinshi iske qosý kesheni týnnelindegi jumystar qarqyndy júrýde. Megapolis ákimi Baqytjan Saǵyntaev Iassaýi kóshesinen Naýryzbai dańǵylynyń ákimshilik ortalyǵyna deiin uzaratyn Abai dańǵylyndaǵy jol jamylǵylaryn tóseýdi jyldamdatýdy tapsyrdy.
Qala ákimi Shuǵyla shaǵyn aýdanyndaǵy «Alma siti» TK-niń qurylys barysyn qarap shyqty. «Nurly jer» memlekettik baǵdarlamasy aiasynda munda 3788 páterli 128 úi salynady. Olardy halyqtyń áleýmettik osal toptary men kópbalaly analarǵa bóletin bolady. Budan ózge, jumys isteitin jastarǵa jalǵa jáne nesiege beriletin baspana usynylady. Baqytjan Saǵyntaev qurylys júrgizýshiniń nazaryn salynyp jatqan úilerdiń sapaly ári qasbetteriniń zamanaýi qala talaptaryna sai bolýyna aýdardy.
Megapolis ákimine qalanyń osy bóligin damytýdyń aldyn ala jasalǵan jospary da kórsetildi. Keshendi jospar boiynsha árqaisysy 1200 oryndy úsh mektep, sondai-aq balabaqsha men SOSO ornalasatyn nysandar salý da qarastyrylǵan. Baqytjan Saǵyntaev turǵyndar bos ýaqyttaryn ótkizetin saiabaq aýmaqtary men skverlerdiń oryndaryn belgileýdi tapsyrdy.
Naýryzbai aýdanyndaǵy Qonaev kóshesi boiyndaǵy Iassaýi kóshesinen Áshimov kóshesine deiingi ýchaskesi rekonstrýktsiialanýda. Osy ýchaske arqyly Jandosov kóshesinen qaladan shyǵýǵa bolady. Rekonstrýktsiia tar kósheni keńeitedi ári trotýary men velosiped joldary bar tórt jolaqty jol salynady. Kólik qozǵalysy úshin ony kúzde ashý josparlanýda.
Baqytjan Saǵyntaev Taýsamaly, Aqjar, Quramystaǵy injenerlik jelilerdiń qurylysyn, Tastybulaq shaǵyn aýdanyndaǵy joldy qalpyna keltirý jumysyn taǵy bir ret qarap shyqty. Sońǵy shaǵyn aýdan turǵyndary jumys sapasyna qatysty aitqan ótinishterine der kezinde nazar aýdarǵany úshin alǵystaryn bildirdi. Qala ákimi jergilikti turǵyndardy belsendilik tanytýǵa jáne merdigerdiń sapasyz jumysyna eskertý jasaýǵa shaqyrdy.
Budan ózge, Baqytjan Saǵyntaev Qarǵaly ózeni boiyndaǵy sý daiyndaý stantsiiasynyń qurylys barysyn tekserdi. Jobanyń merdigeri barlyq qajetti qural-jabdyqtardyń alynǵanyn, nysandy jyl sońyna deiin paidalanýǵa berýdi josparlaǵandaryn baiandady.
Jalpy, Aqjar, Shuǵyla, Tastybulaq, Taýjoly, Jailaý, Qarǵaly, Quramys shaǵyn aýdandarynda 122 shaqyrym sý qubyry men 85 shaqyrym káriz jelileri salynýda. Jumys tolyq aiaqtalǵannan keiin, onyń ishinde Qarǵaly súzý stansasynyń qurylysy bitken soń, aýdannyń 70 myń turǵyny taza aýyz sýmen qamtamasyz etiletin bolady.
Almaty ákimi «Biýdjetke qatysý» jobasy aiasynda Qalqaman jáne Quramys shaǵyn aýdandarynyń turǵyndary tańdaǵan balalardyń oiyn alańdary, sport jáne vorkaýt alańdary salynatyn jobalarmen tanysty. B. Saǵyntaev Aqjar shaǵyn aýdanyndaǵy Jandosov kóshesi boiynda salynyp jatqan jaiaý júrginshiler aimaǵyn da qarap shyqty.
