Saǵyntaev Máskeýde ótken jiynda postkovidtik kezeńde Almatyny tsifrlandyrýdyń tájiribesimen bólisti
Almatynyń Tsifrlandyrý basqarmasynyń basshysy Baian Qońyrbaevtyń aitýynsha, forýmda Almaty ákimi Baqytjan Saǵyntaevtyń, Máskeý meri Sergei Sobianinniń qatysýymen sessiia ótti. Sessiia jumysyna Beijiń qalasynyń meri Ch. Tszinin, Fort-Loderdeil meri D. Trantalis, Qalalyq derekter jónindegi Dúniejúzilik Keńestiń prezidenti P. Makkarni, BUU bólimsheleri men halyqaralyq uiymdardyń ókilderi qatysty.
Postkovidtik kezeńde qalalarda tsifrlandyrýdyń róli, qalalar úshin qoldanbaly sheshimderdi damytý týraly máseleler talqylanǵan.
Almaty ákimi Baqytjan Saǵyntaev qalanyń tynys-tirshiligine qatysty jedel sheshimder qabyldaýǵa týra kelgen KVI pandemiiasy bastalǵan kezeńde iske asyrylǵan tsifrlyq jobalardy aýqymdandyrý tájiribesi týraly aityp berdi. Qala ákimi infoalmaty.kz portalyn mysalǵa keltirdi, onyń jumysy eki apta ishinde bastalǵan bolatyn. Portal lokdaýn kezinde júrýge ruqsat etilgen azamattardyń elektrondyq tizimderin jasady.
Osy portaldyń arqasynda qysqa merzim ishinde ShOB kásiporyndarynyń EQJJ pysyqtaldy. Sonymen qatar, baǵdarlamada kásiporyndarda jumys isteitin adamdardyń naqty sany jáne osy ónidiristiń naqty ainalymy týraly málimetter kórsetildi. Keiin bul aqparat salyq organdarynyń derekter bazasymen biriktirildi.
Búginde portaldyń qyzmeti keńeiýde. Mysaly, kásipker kásiporynnyń BSN engizý arqyly qala men memleket tarapynan qoldaý sharalary týraly barlyq aqparatty ala alady. Bul rette derekter bankke nemese qarjy institýttaryna tikelei ótinim berý múmkindigimen naqty joba boiynsha usynylatyn bolady. Bul sheshim búkil respýblikaǵa taraldy – infokazakhstan.kz.
Almatynyń Tsifrlandyrý basqarmasynyń ókilderi forýmnyń plenarlyq sessiiasyna Singapýrden, Eýroodaq elderinen, Aziianyń basqa da birqatar qalalarynan kelgendermen birge qatysty.
Halyqaralyq onlain-forýmnyń arqasynda tsifrlyq tehnologiialardy damytý salasyndaǵy qazaqstandyq mamandar Eýropa, Afrika, Taiaý Shyǵys, Soltústik jáne Ońtústik Amerika elderindegi áriptesteriniń sheteldik tájiribelerin jaqsy zerdelei aldy.
