Is-sharaǵa qala kásipkerleri, onyń ishinde túrli qyzmet salalary boiynsha iri, orta jáne shaǵyn biznes ókilderi, sondai-aq memlekettik organdar men Almaty kásipkerler palatasynyń basshylary qatysty.
Kezdesýdi ashqan qala ákimi Baqytjan Saǵyntaev biznes sala ókilderiniń strategiialyq qujatty talqylaýǵa qatysýynyń mańyzdylyǵyn atap ótip, qalanyń biznes ahýalyn jaqsartý maqsatynda odan ári tabysty yntymaqtastyqqa úmit bildirdi.
– Biylǵy jyldyń 21 qańtarynda Memleket basshysy biznes-qaýymdastyqpen kezdesip, kásipkerlik salasyndaǵy memlekettik saiasattyń negizgi baǵyttaryn aiqyndady. Prezident Qasym-Jomart Toqaevtyń ShOB qoldaý jáne damytý jónindegi tapsyrmalaryna sáikes biz kásipkerlik qoǵamdastyqtyń ózekti máselelerin talqylaý úshin pikirtalas alańdaryn quryp jatyrmyz, – dedi Baqytjan Saǵyntaev.
Is-shara barysynda Almaty qalasynyń Sybailas jemqorlyqqa qarsy qyzmetiniń basshysy Murat Ahmetov 2022-2026 jyldarǵa arnalǵan sybailas jemqorlyqqa qarsy saiasat Tujyrymdamasynyń jobasyn tanystyrdy.
– Tujyrymdamanyń mańyzdy basymdyqtarynyń biri adal biznesti damytý bolyp tabylady. Tujyrymdama jobasynda biznesti sybailas jemqorlyqqa qarsy standarttardy engizýge yntalandyrý kózdeledi. Korporativtik sybailas jemqorlyqqa qarsy is-qimylǵa erekshe nazar aýdarý qajet, – dep atap ótti Murat Ahmetov.
Kezdesý sońynda qatysýshylar pikirlerimen bólisip, parasatty biznesti yntalandyrý boiynsha usynylǵan nusqalardy talqylady, Tujyrymdama jobasyna usynystar engizdi. Biznes-qoǵamdastyqtyń barlyq ideialary men usynystary eskeriletin bolady.
Kezdesýdi qorytyndylai kele, Almaty ákimi Baqytjan Saǵyntaev Tujyrymdama jobasyn qalalyq gazetterde jariialaýdy jáne «Almaty» TA alańynda pikirtalas alańyn qurýdy tapsyrdy. Memlekettik organdardyń, azamattyq sektordyń jáne biznes-qoǵamdastyqtyń ókilderi ázirlenip jatqan qujatty keńinen talqylaýǵa jáne sybailas jemqorlyq kórinisteriniń aldyn alý maqsatynda onyń qaǵidalaryn keiin iske asyrýǵa tartylatyn bolady.
