Saǵyntaev almatylyqtardy oqýshylardy qorǵaý úshin ekpe alýǵa shaqyrady
Akimat Live baǵdarlamasynyń tikelei efirinde qala ákimi qaladaǵy epidemiologiialyq ahýal týraly aitty. 11 tamyzdaǵy jaǵdai boiynsha 115 060 koronavirýs infektsiiasy tirkeldi, onyń ishinde 95 087 naýqas simptomdy, 19 973 jaǵdai – simptomsyz, 2 104-i anyqtalmaǵan pnevmoniia jaǵdaiy.
10 tamyzda koronavirýs infektsiiasynyń 1 493 jaǵdaiy tirkeldi, onyń ishinde 1 397 jaǵdai simptomdy. Anyqtalmaǵan pnevmoniia – 7 jaǵdai. Táýliktik ósim – 1,2%. Reprodýktivti sany – 1,010.
Jalpy qýattylyǵy 8 910 tósek-oryn bolatyn infektsiialyq statsionarlarda 5 474 adam, onyń ishinde 216 bala emdelýde. Kovidti klinikalardaǵy 228 naýqastyń jaǵdaiy – óte aýyr, 1 575-adamdiki – aýyr, 3 671 – ortasha aýyr. JITB-de barlyǵy 407 patsient bar, ÓJJ apparatynda – 58, invazivti emes ÓJJ apparatynda – 170, High flow – 161 apparat.
Búginde 11 908 naýqas AMSK men Telemeditsina ortalyǵynyń mobildi toptarynyń úi baqylaýynda, olardyń 539-y simptomsyz, 10839-y jeńil, 251-i ortasha aýyrlyqta. Statsionarlyq naýqastardyń jalpy sanynan 1 220 naýqas infektsiialyq statsionarlardan shyǵarylyp, ambýlatoriialyq baqylaýǵa jáne oqshaýlanýǵa jiberildi.
Juqtyrýdyń ósýiniń sebebi – turǵyndar qyraǵylyǵynyń jalpy tómendeýi, COVID-19 delta virýsynyń tez juǵýy jáne otbasylyq is-sharalardyń uiymdastyrylýy. 20-39 jas aralyǵyndaǵy jastar arasynda juqtyrý 1,6%-ǵa jáne 15-19 jas aralyǵyndaǵy jasóspirimderde 0,4%-ǵa ósken. Bul olardyń úlken mobildiliginen jáne maska rejimin elemeýinen,ózgelermen jii bailanysta bolýynan.
Úkimettiń tapsyrmasyna sáikes meditsinalyq qarsy kórsetkishteri barlardy qospaǵanda, muǵalimder men tehnikalyq personaldy 100% vaktsinalaý 25 tamyzǵa deiin júrgizilýi tiis. Bul rette Almaty qalasynyń ákimi Baqytjan Saǵyntaev ata-analar da balalarynyń qaýipsizdigin oilap, ekpe saldyratynyna senimdi.
Qazirgi ýaqytta SEBD mamandarymen birge mektepterdiń daiyndyǵy tekserilýde. 20 tamyzǵa deiin kvartstendirý, dezinfektsiialaý, maska rejimi men kúndelikti termometriiadan turatyn sanitarlyq talaptarǵa sáikestigin tekserý aiaqtalýy tiis. Mektepter men balabaqshalar Ashyq jobasyna 100% qosylǵan jáne 1 qyrkúiekten bastap júiede jumys jasaýǵa daiyn. Júie barlyq oqý oryndarynda engizilgen, muǵalimder, qyzmetkerler jáne ata-analarǵa osy júie boiynsha ishke ene alady.
Almaty qalasynyń bilim berý júiesiniń qyzmetkerleri, onyń ishinde bilim berýdegi jańa tehnologiialardyń ǵylymi-ádistemelik ortalyǵy, «Almaty daryny» daryndy balalar men daryndy jastardy anyqtaý men qoldaý ortalyǵy, qalalyq dene shynyqtyrý men sporttyń oqý-tájiribelik ortalyǵy, memlekettik balabaqshalar men mektepter, kolledjder, internattar, qosymsha bilim berý uiymdary 100% vaktsinalanǵan. Bul uiymdarda barlyǵy 36 825 adam jumys isteidi, 32 113 adam vaktsinalaýǵa jatady.
Sondai-aq, jeke balabaqshalardyń ujymdary - 100%, jekemenshik mektepter – 85%, qosymsha bilim beretin jeke uiymdar 58% ekpe saldyrǵan.
