Akimat Live باعدارلاماسىنىڭ تىكەلەي ەفيرىندە قالا اكىمى قالاداعى ەپيدەميولوگيالىق احۋال تۋرالى ايتتى. 11 تامىزداعى جاعداي بويىنشا 115 060 كوروناۆيرۋس ينفەكسياسى تىركەلدى، ونىڭ ىشىندە 95 087 ناۋقاس سيمپتومدى، 19 973 جاعداي – سيمپتومسىز، 2 104ء-ى انىقتالماعان پنيەۆمونيا جاعدايى.
10 تامىزدا كوروناۆيرۋس ينفەكسياسىنىڭ 1 493 جاعدايى تىركەلدى، ونىڭ ىشىندە 1 397 جاعداي سيمپتومدى. انىقتالماعان پنيەۆمونيا – 7 جاعداي. تاۋلىكتىك ءوسىم – 1،2%. رەپرودۋكتيۆتى سانى – 1،010.
جالپى قۋاتتىلىعى 8 910 توسەك-ورىن بولاتىن ينفەكسيالىق ستاسيونارلاردا 5 474 ادام، ونىڭ ىشىندە 216 بالا ەمدەلۋدە. كوۆيدتى كلينيكالارداعى 228 ناۋقاستىڭ جاعدايى – وتە اۋىر، 1 575-ادامدىكى – اۋىر، 3 671 – ورتاشا اۋىر. جيتب-دە بارلىعى 407 پاسيەنت بار، ءوجج اپپاراتىندا – 58، ءينۆازيۆتى ەمەس ءوجج اپپاراتىندا – 170، High flow – 161 اپپارات.
بۇگىندە 11 908 ناۋقاس امسك مەن تەلەمەديسينا ورتالىعىنىڭ ءموبيلدى توپتارىنىڭ ءۇي باقىلاۋىندا، ولاردىڭ 539-ى سيمپتومسىز، 10839-ى جەڭىل، 251ء-ى ورتاشا اۋىرلىقتا. ستاسيونارلىق ناۋقاستاردىڭ جالپى سانىنان 1 220 ناۋقاس ينفەكسيالىق ستاسيونارلاردان شىعارىلىپ، امبۋلاتوريالىق باقىلاۋعا جانە وقشاۋلانۋعا جىبەرىلدى.
جۇقتىرۋدىڭ ءوسۋىنىڭ سەبەبى – تۇرعىندار قىراعىلىعىنىڭ جالپى تومەندەۋى، COVID-19 دەلتا ۆيرۋسىنىڭ تەز جۇعۋى جانە وتباسىلىق ءىس-شارالاردىڭ ۇيىمداستىرىلۋى. 20-39 جاس ارالىعىنداعى جاستار اراسىندا جۇقتىرۋ 1،6%-عا جانە 15-19 جاس ارالىعىنداعى جاسوسپىرىمدەردە 0،4%-عا وسكەن. بۇل ولاردىڭ ۇلكەن موبيلدىلىگىنەن جانە ماسكا رەجيمىن ەلەمەۋىنەن،وزگەلەرمەن ءجيى بايلانىستا بولۋىنان.
ۇكىمەتتىڭ تاپسىرماسىنا سايكەس مەديسينالىق قارسى كورسەتكىشتەرى بارلاردى قوسپاعاندا، مۇعالىمدەر مەن تەحنيكالىق پەرسونالدى 100% ۆاكسينالاۋ 25 تامىزعا دەيىن جۇرگىزىلۋى ءتيىس. بۇل رەتتە الماتى قالاسىنىڭ اكىمى باقىتجان ساعىنتايەۆ اتا-انالار دا بالالارىنىڭ قاۋىپسىزدىگىن ويلاپ، ەكپە سالدىراتىنىنا سەنىمدى.
قازىرگى ۋاقىتتا سەبد ماماندارىمەن بىرگە مەكتەپتەردىڭ دايىندىعى تەكسەرىلۋدە. 20 تامىزعا دەيىن كۆارستەندىرۋ، دەزينفەكسيالاۋ، ماسكا رەجيمى مەن كۇندەلىكتى تەرمومەتريادان تۇراتىن سانيتارلىق تالاپتارعا سايكەستىگىن تەكسەرۋ اياقتالۋى ءتيىس. مەكتەپتەر مەن بالاباقشالار Ashyq جوباسىنا 100% قوسىلعان جانە 1 قىركۇيەكتەن باستاپ جۇيەدە جۇمىس جاساۋعا دايىن. جۇيە بارلىق وقۋ ورىندارىندا ەنگىزىلگەن، مۇعالىمدەر، قىزمەتكەرلەر جانە اتا-انالارعا وسى جۇيە بويىنشا ىشكە ەنە الادى.
الماتى قالاسىنىڭ ءبىلىم بەرۋ جۇيەسىنىڭ قىزمەتكەرلەرى، ونىڭ ىشىندە ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى، «الماتى دارىنى» دارىندى بالالار مەن دارىندى جاستاردى انىقتاۋ مەن قولداۋ ورتالىعى، قالالىق دەنە شىنىقتىرۋ مەن سپورتتىڭ وقۋ-تاجىريبەلىك ورتالىعى، مەملەكەتتىك بالاباقشالار مەن مەكتەپتەر، كوللەدجدەر، ينتەرناتتار، قوسىمشا ءبىلىم بەرۋ ۇيىمدارى 100% ۆاكسينالانعان. بۇل ۇيىمداردا بارلىعى 36 825 ادام جۇمىس ىستەيدى، 32 113 ادام ۆاكسينالاۋعا جاتادى.
سونداي-اق، جەكە بالاباقشالاردىڭ ۇجىمدارى - 100%، جەكەمەنشىك مەكتەپتەر – 85%، قوسىمشا ءبىلىم بەرەتىن جەكە ۇيىمدار 58% ەكپە سالدىرعان.
