Qazaqstanda memleketke qaitarylǵan zańsyz aktivterdi basqaratyn kompaniia bar. Olar nemen shuǵyldanady, tárkilengen múlikterdi qaida saqtaidy? Nemese olardy satyp jiberedi me? Bul saýalǵa Qaitarylǵan aktivterdi basqarý kompaniiasynyń ókilderi jaýap berdi, dep habarlaidy Dalanews.kz "Qazaqparatqa" silteme jasai otyryp.
Bul kompaniia Qazaqstan Respýblikasynyń "Memleketke zańsyz alynǵan aktivterdi qaitarý týraly" zańyna sáikes qurylǵan. Aktivterdi tiimdi basqarý men saqtaý jáne olardyń baǵasy jónindegi aqparat resmi saitta qoljetimdi.
Kompaniianyń baspasóz qyzmetiniń málimetinshe, qaitarylǵan aktivter arasynda álemge áigili brendterdiń áshekei buiymdary men saǵattary bar eken. Qazir Cartier, Breguet jáne Tiffany siiaqty brendterdiń ónimderi satylymda tur. Mysaly, Ulysse Nardin Classic 789-80 shekteýli shyǵarylymdaǵy saǵaty 214,4 million teńgege baǵalanǵan, bul mundaǵy eń qymbat aktivterdiń biri sanalady. Sondai-aq, eki syrǵa, alqa jáne eki saqinadan turatyn brillianttar jiyntyǵy 85 million teńgege baǵalanǵan.
— Aktivterdi satý zańǵa sáikes ádil jáne ashyq túrde ótedi, — dep atap ótti kompaniia ókilderi.
Satylym aýktsion arqyly, sonyń ishinde elektrondyq formatta uiymdastyrylady. Árbir aktiv táýelsiz baǵalaýshy belgilegen baǵamen satylady. Áshekei buiymdar men saǵattardyń baǵasy naryqtyq baǵadan tómen bolýy múmkin.
— Eger aktivter birinshi satylym kezeńinde satylmasa, olar e-Qazyna portaly arqyly qaita satylymǵa shyǵarylady. Bul ádis satylymnyń ashyqtyǵyn qamtamasyz etip, naryqtaǵy suranysqa sáikes baǵany qalyptastyrady, — dep málimdedi kompaniia mamandary.
Jaqyn arada aýktsionǵa birqatar aktivter qoiylmaq. Atap aitqanda, 9 qazanda sý jinaý jáne óńdeý, sondai-aq jylý energiiasyn óndirýmen ainalysatyn JShS úlesteri satylymǵa shyǵarylmaq.
Al 11 qazanda mynadai aktivter saýdaǵa túsedi:
- jalpy quny 1 564 810 teńge bolatyn kollektsiialyq monetalar (bir monetanyń baǵasy 150 myńnan 690 myń teńgege deiin);
- jalpy quny 314 742 586 teńge bolatyn saǵattar;
- jalpy quny 97 963 968 teńge bolatyn zergerlik buiymdar.
Barlyq aktivterdiń jalpy quny 414 271 364 teńgeni quraidy. Barlyǵy 19 lot usynylmaq.
"Aýktsionǵa qatysý arqyly azamattar tek aktivterge ie bolyp qana qoimai, qoǵam igiligine arnalǵan áleýmettik jobalardy júzege asyrýǵa úles qosady. Sebebi barlyq túsken qarajat arnaiy memlekettik qorǵa jiberilip, mańyzdy áleýmettik-ekonomikalyq jobalardy qarjylandyrýǵa baǵyttalady".
2024 jyldyń 1 qazanyndaǵy málimet boiynsha, basqarýshy kompaniia 5,7 milliard teńgege aktivterdi satqan, onyń ishinde 4,4 milliard teńge sheteldik aktivterdi satýdan túsken.
Bul sharalar tek aktivterdi qaitarýmen ǵana shektelmei, olardyń qoǵam igiligine jaratýdy qamtamasyz etý arqyly halyqtyń senimin arttyrýdy kózdeidi.
