Qazaq ulttyq qyzdar pedagogikalyq ýniversitetinde «Mektep – ýniversitet – naryq: bilim berýdiń jańa arhitektýrasy» atty pedagogikalyq ideialar festivali aiasynda respýblikalyq BAQ ókilderine arnalǵan baspasóz týry uiymdastyryldy, dep habarlaidy dalanews.kz.
Is-shara barysynda jýrnalister ýniversitettiń Basqarma Tóraǵasy – Rektor Kárimova Beibitkúl Sársemhanqyzymen kezdesip, oqý ornynyń missiiasy, strategiialyq damý baǵyttary men qazirgi tynys-tirshiligi týraly jan-jaqty aqparat aldy.
Kezdesý barysynda ýniversitet basshysy: «Biz buqaralyq aqparat quraldary ókilderimen árdaiym ashyq ári tyǵyz bailanys ornatýǵa múddelimiz. Sizderdiń kásibi pikirlerińiz ben shynaiy baǵalaryńyz ýniversitet úshin asa mańyzdy», – dep atap ótti.
Dóńgelek ústel formatynda ótken erkin pikir almasý kezinde BAQ ókilderi ýniversitettiń negizgi kórsetkishteri, bilim sapasy, stýdentterdiń áleýmettik jaǵdaiy jáne aldaǵy damý josparlary jóninde suraqtaryn qoidy.
Baspasóz týry aiasynda jýrnalister jalpy bilim beretin mektepterge shahmat páni muǵalimderin daiarlaityn «KazChessLab» bilim berý alańynda bolyp, blits-partiia oinap kórdi. Sonymen qatar qonaqtar «QyzPU» mediastýdiiasynyń, Baspasóz qyzmeti redaktsiiasynyń, jańartylǵan horeografiia zalynyń jáne Seráli Qaniev atyndaǵy kitaphananyń jumysymen tanysty.
Sondai-aq jýrnalister halyqaralyq qatynastar bóliminiń qyzmeti men sheteldik seriktes joǵary oqý oryndarymen jasalǵan memorandýmdar aiasynda bilim alyp jatqan stýdentterdiń oqý úderisi týraly aqparat aldy.
Budan bólek, media ókilderi ýniversitettiń ǵylymi-innovatsiialyq jáne shyǵarmashylyq áleýetimen tanysty. Olar Molekýlalyq fizika jáne termodinamika zerthanasynda, Biotehnologiialyq zertteýler zerthanasynda jáne «PHYWE» interaktivti kabinetinde bolyp, ǵalymdarmen jáne stýdenttermen pikir almasty.
Jýrnalister zertteýshiler júzege asyryp jatqan ǵylymi jobalarmen, jańa bastamalarmen jáne ǵylymi eńbektermen tikelei tanysýǵa múmkindik aldy.
Qazirgi tańda ýniversitette 12 myńnan astam stýdent bilim alýda. Bilim alýshylar geografiiasy Qazaqstanmen qatar Ózbekstan, Mońǵoliia, Qytai, Resei, Túrikmenstan, Qyrǵyzstan jáne Tájikstan elderin qamtidy. Búgingi kúni QyzPU álemniń 23 elindegi 83-ten astam ýniversitet jáne ǵylymi ortalyqpen seriktestik bailanys ornatqan.
Is-shara sońynda qurylymdyq bólim basshylarymen erkin formattaǵy pikir almasý alańy uiymdastyrylyp, jýrnalister ózderin qyzyqtyrǵan saýaldarǵa jaýap aldy.
