Shymkentte bastaýysh synyp muǵalimi sabaq kezinde bolýy múmkin qaiǵyly jaǵdaidyń aldyn aldy, dep habarlaidy dalanews.kz.
newtimes.kz málimetinshe, tórtinshi synyp oqýshysy kámpitke qaqalyp qalǵan. Alaida ustaz der kezinde kómek kórsetip, balany aman alyp qalǵan.
Oqiǵanyń videosy Threads jelisinde taraǵan. Kadrlardan sabaq kezinde oqýshynyń jaǵdaiy nasharlap, muǵalim birden áreket etip, kómekke kelgeni kórinedi.
Jeli qoldanýshylarynyń aitýynsha, muǵalimniń esimi - Aigúl Daýylbaeva. Ol 27 jyldan beri ustazdyq etip keledi.
Muǵalimniń áreketi áleýmettik jelide kópshiliktiń yqylasyna ie boldy. Jeli qoldanýshylary onyń qyraǵylyǵy men jyldam sheshim qabyldaǵanyna alǵys bildirip jatyr.
