Qazirgi mekteptegi bilimniń jaǵdaıy eldi qatty alańdatyp otyr. Sizdiń bilim salasynda jasap jatqan reformańyzǵa halyqtyń kóńili múldem tolmaıdy. Ol týraly qarapaıym halyq túgili, Parlament depýtattary da birneshe ret saýal joldady. Biraq synnan shyqqan nátıje joq.
Jaqynda maǵan balalary daıyndyq synybynda oqıtyn birneshe ata-ana habarlasyp, ózderin alańdatqan jaǵdaılaryn aıtqan edi. Bıyl daıyndyq synybyna baratyn oqýshy «Almaty kitap» baspasynan shyǵatyn 18 túrli kitap oqıdy eken. Ol kitaptardyń bárin ata-anasy satyp alýǵa májbúr. Memleketten qarjy bólinbeıdi deıdi. 18 kitaptyń bazardaǵy baǵasy 30 myń teńge turady. Sózimiz dáleldi bolý úshin kitaptardy tizbekteıik:
1. Saýat ashý negizderi (álippe – dápter) – 1, 2.
2. Qarapaıym matematıkalyq uǵymdardy qalyptastyrý (álippe dápter) – 1, 2.
3. Sóıleýdi damytý (álippe dápter).
4. Qorshaǵan ortamen tanystyrý (álippe dápter).
5. Ekologıa negizderi (álippe dápter).
6. Ózin-ózi taný (álippe dápter).
7. Kórkem ádebıet (álippe dápter).
8. Qaýipsiz minez-qulyq negizderi (álippe dápter).
9. Qurastyrý (álippe dápter).
10. Músindeý (álippe dápter).
11. Aplıkasıa (álippe dápter).
12. Sýret salý (álippe dápter).
13. Mýzyka (Nato hrestomatıasy).
14. Aǵylshyn (AVS copybook).
15. Rýsskıı ıazyk (Azbýka – tetrad) 1, 2.
16. Jaratylystaný (álippe dápter).
17. Drama (álippe dápter).
18. Valeologıa negizderi (álippe dápter).
Bul 30 myń teńge tek kitaptardyń aqshasy. Oǵan oqýshynyń portfel, qaryndash, dápter, ermeksaz, t.b qural-jabdyqtaryn qossańyz, bul aqsha 40 myńǵa jetedi.
Bıyl birinshi synypqa 380 myń bala bardy desek, keler jyly shamamen 400 myń bala mektepke barady. Sonda 400.000 h 30.000 = 12.000.000.000 teńge (12 mıllıard teńge).
Bul ózderi zorǵa kúneltip otyrǵan qarapaıym halyqtyń qarjysy.
Ata-ana bala úshin ómir súredi, balasyn qatarynan qaldyrǵysy kelmeıdi. Sondyqtan da kitaptardy alýǵa májbúr bolady. Al kitaptiń sapasy nashar, sógilip jatyr, mazmuny óte qıyn,salmaǵy 5 jasar balaǵa óte aýyr. Biraq halyqta basqa tańdaý joq.
Halyq 12 mıllıard teńgesin tamaǵynan jyryp, «Almaty kitap» baspasynyń qojaıynynyń qaltasyna salýǵa májbúr.
Bul halyqty ashyqtan ashyq tonaý degen sóz! El qazynasynda qarajat joq deıin deseń, jyl saıyn respýblıkalyq búdjetten Bilim jáne ǵylym mınıstrligine trıllıondaǵan teńge bólinedi. Bul qarajat qaıda sonda? Bul jerde sybaılas jemqorlyq jaqsy jumys jasap turǵan joq pa? Biz – ata-analar Erlan Saǵadıevtan halyqtyń 12 mıllıard teńgesin qaıtarýdy talap etemiz!
Jánibek QOJYQ
Derekkóz: zamana.kz
