Esterińizde bolsa, osydan eki jyl buryn Tasaryq aýyldyq okrýgindegi tastaq jerdi tehnikanyń kúshimen igerip, júzimbaq ekken jeke kásipker Sabyrjan Tanabaev aýdanda úlken kólemde sarymsaq egýdi birinshi bolyp qolǵa alǵan edi.
Bastapqyda 10 gektarǵa jańa tehnologiiamen júzim ekken sharýa ótken jyly qosymsha on gektar jerge 16 myń túp kóshet otyrǵyzyp, byltyrǵy jáne biylǵy jyly alǵashqy jemisin jinap alypty. Eńbegine qoldaý tapqan jeke kásipker júzim alqabynyń ár gektaryna memleket tarapynan 750 myń teńgeden sýbsidiia alǵan.
Al, biyl sharýa Tólebi aýdanynyń Tasaryq aýyldyq okrýgindegi 10 gektar eski alma baýynyń orynyna tyń ádispen sarymsaq egýdi qolǵa alǵan bolatyn.
Minekei, búginde kásipker sol eńbeginiń jemisin kórip otyr.
Ol atalǵan jerdiń 2 gektaryna jabaiy sarymsaqtyń uryǵyn otyrǵyzyp, jańasha ádispen qoldan mádenilendirgen-tuǵyn. Sátin salsa, aldaǵy jyly Sabyrjana Tanabaev gektarynan on tonna ónim alyp, shetelge shyǵarýdy kózdep otyr.
Aita keteiik, ótken jyly aýdandaǵy 10,7 gektar úiirgelik jerden 178 tonna sarymsaq jinalǵan bolatyn. Bul Tólebi aýdany turǵyndarynyń sońǵy jyldary aýyl sharýashylyǵy salasyna den qoiyp jatqanyn ańǵartady. Oǵan sebep – memlekettik qoldaý sharalary.
