– №1,2 qazandyqtar sýmen toltyrylyp, jylý jelisiniń tyǵyzdyǵy men beriktigin tekseremiz. Sondai sátte keibir jerlerden tamshylap sý ketýi múmkin.
Aqaýdy jóndep, odan keiin qaitadan qysymmen sý berý kerek. Bul jumystar jylytý maýsymy kezinde kidiris bolmaýy úshin jasalyp jatyr, – dedi Ridder qalasynyń ákimi Dáýlet Batyrbaev.
Bul iske qosý-jóndeý jumystarynyń birinshi bóligi, sodan keiin otqa tózimdi kirpishpen qalaý júzege aspaq.
– Dál osy kezeńde bý, aýa jylytqyshtardyń, úrleý mehanizmderiniń jáne basqada jumystardyń ońtaily rejimi tańdalady, – dep túsindirdi Ridder qalasynyń ákimi.
Prezident óziniń Qazaqstan halqyna Joldaýynda jylý jáne elektr energetikasynyń barlyq salasyn jandandyrý qajet ekenin atap ótken edi. Ridder JEO bul jumystar qazirdiń ózinde júrgizilýde, sonyń ishinde barlyq alty qazandyqty qaita qurý jáne jóndeý jumystary qarqyndy júrýde.
– Bizde kadr tapshylyǵy bar ekenin aitqym keledi. Óitkeni sońǵy on jyldyqta kásiporynnan tájiribeli mamandar ketip qaldy. Jylý ortalyǵyndaǵy bolǵan jaǵdaidyń bir sebebi sol dep oilaimyn, – dep atap ótti Dáýlet Batyrbaev.
Ridder qalasynyń ákimi bilikti kadr tapshylyǵy máselesin jalaqyny kóterý, áleýmettik paketti jaqsartý, sondai-aq orta jáne joǵary oqý oryndarynda bilim alyp jatqan jas mamandardy jumyspen qamtý arqyly sheshpek.
