– №1،2 قازاندىقتار سۋمەن تولتىرىلىپ، جىلۋ جەلىسىنىڭ تىعىزدىعى مەن بەرىكتىگىن تەكسەرەمىز. سونداي ساتتە كەيبىر جەرلەردەن تامشىلاپ سۋ كەتۋى مۇمكىن.
اقاۋدى جوندەپ، ودان كەيىن قايتادان قىسىممەن سۋ بەرۋ كەرەك. بۇل جۇمىستار جىلىتۋ ماۋسىمى كەزىندە كىدىرىس بولماۋى ءۇشىن جاسالىپ جاتىر، – دەدى ريددەر قالاسىنىڭ اكىمى داۋلەت باتىربايەۆ.
بۇل ىسكە قوسۋ-جوندەۋ جۇمىستارىنىڭ ءبىرىنشى بولىگى، سودان كەيىن وتقا ءتوزىمدى كىرپىشپەن قالاۋ جۇزەگە اسپاق.
– ءدال وسى كەزەڭدە بۋ، اۋا جىلىتقىشتاردىڭ، ۇرلەۋ مەحانيزمدەرىنىڭ جانە باسقادا جۇمىستاردىڭ وڭتايلى رەجيمى تاڭدالادى، – دەپ ءتۇسىندىردى ريددەر قالاسىنىڭ اكىمى.
پرەزيدەنت ءوزىنىڭ قازاقستان حالقىنا جولداۋىندا جىلۋ جانە ەلەكتر ەنەرگەتيكاسىنىڭ بارلىق سالاسىن جانداندىرۋ قاجەت ەكەنىن اتاپ وتكەن ەدى. ريددەر جەو بۇل جۇمىستار ءقازىردىڭ وزىندە جۇرگىزىلۋدە، سونىڭ ىشىندە بارلىق التى قازاندىقتى قايتا قۇرۋ جانە جوندەۋ جۇمىستارى قارقىندى جۇرۋدە.
– بىزدە كادر تاپشىلىعى بار ەكەنىن ايتقىم كەلەدى. ويتكەنى سوڭعى ون جىلدىقتا كاسىپورىننان تاجىريبەلى ماماندار كەتىپ قالدى. جىلۋ ورتالىعىنداعى بولعان جاعدايدىڭ ءبىر سەبەبى سول دەپ ويلايمىن، – دەپ اتاپ ءوتتى داۋلەت باتىربايەۆ.
ريددەر قالاسىنىڭ اكىمى بىلىكتى كادر تاپشىلىعى ماسەلەسىن جالاقىنى كوتەرۋ، الەۋمەتتىك پاكەتتى جاقسارتۋ، سونداي-اق ورتا جانە جوعارى وقۋ ورىندارىندا ءبىلىم الىپ جاتقان جاس مامانداردى جۇمىسپەن قامتۋ ارقىلى شەشپەك.
