«Keleshek mektebi» ulttyq jobasy aıasynda Rıdder qalasynda 600 oryndyq №12 jalpy bilim beretin jańa mektep ashyldy, – dep habarlaıdy Dalanews.kz
«Ulttyq joba – bul jaı ǵana jańa ǵımarattar emes, bul – balalardyń sapaly bilim alyp, shyǵarmashylyq jáne zıatkerlik áleýetin damytýyna arnalǵan bilim berý keńistigin qalyptastyrý», – dedi SHQO ákimi Nurymbet Saqtaǵanov.
Ol mektep oqýshylaryna tıimdi oqý prosesi úshin barlyq jaǵdaı jasalǵanyn atap ótti.
Bul mektep apatty jaǵdaıdaǵy burynǵy №12 (1935 jyly salynǵan) jáne №9 (1938 jyly salynǵan) mektepterdiń ornyna salynǵan. Qazirgi ýaqytta jańa mektepte 530 oqýshy bilim alýda. Jańa mekteptiń jalpy aýdany standartty normadan 20% artyq, bul oqý kabınetteri men qosymsha baǵyttaǵy synyptardy tıimdi uıymdastyrýǵa múmkindik berdi. Bastaýysh jáne joǵary synyp oqýshylaryna arnalǵan bólek bloktarda oqý kabınetteri, sanıtarlyq toraptar jáne sport zaldary qarastyrylǵan.
Jalpy mektepte 26 oqý kabıneti bar. Olardyń qatarynda robototehnıka, ınklúzıa, vızýaldy jobalaý jáne grafıka kabınetteri, sheberhanalar, STEM zerthanasy, oıyn bólmesi bar. Sonymen qatar, resýrstyq ortalyq, akt zaly, elektrondy kitaphana, medpýnkt, horeografıa zaly, eki sport zaly men ashana jumys isteıdi.
Mektep keńistigi jas erekshelikterine qaraı beıimdelgen: bastaýysh, orta jáne joǵary synyptarǵa arnalǵan jeke kovorkıng aımaqtarymen qamtamasyz etilgen. Bul oqýshylar men pedagogter úshin jaıly orta qalyptastyrady.
Inklúzıvti bilim berý úshin ınklúzıa kabınetteri, sensorlyq bólmeler, logoped, psıholog jáne áleýmettik pedagog qarastyrylǵan. Múmkindigi shekteýli balalarǵa barlyq jaǵdaı jasalǵan. Mysaly, DSP dıagnozy bar oqýshy Tımofeı K. mektep ishin erkin aralaı alady – bul ornatylǵan lıfttiń arqasynda múmkin bolyp otyr.
Oqýshylardyń densaýlyǵyn saqtaý maqsatynda aýyzsý fontandary men ózgermeli partalar ornatylǵan. Ár qabatta oqýshylarǵa arnalǵan demalys aımaqtary bar. Qaýipsizdik maqsatynda beınebaqylaý jáne dabyl túımeleri ornatylǵan.
Mektep aýmaǵynda ámbebap sport alańdary, jas ereksheligine qaraı bólingen oıyn aımaqtary, jarys ótkizýge arnalǵan stadıon men fýtbol alańy bar.
