Shegine jetti. Memlekettik tildi qashanǵy tabanǵa taptaidy? Qashanǵy "oryssha sóile" dep qaqyldap turady. Bularmen qalai kúresýge bolady? Ashtyq jariialap.
Kerekýde týratyn qoǵam belsendisi Rýza Beisenbaitegi bosaǵasynan "govorite po rýsskii" dep qarsy alatyndarǵa qarsy ashtyq jariialamaq. Osyndailardyń birinen aýyz sóz estigen Rýza apai álgiler búgin saǵat keshki 5-ke deiin keshirim suramasa osyndai qadamǵa baratynyn aitýda.
Rýza Beisenbaitegi áleýmettik jelide bul týraly bylai dep jazǵan:
"Qazaqtar! Shydamym jetti, osyny kózimdi jasqa bulap ázer jazyp otyrmyn. Búgin, tańerteń ulttyq ekspertiza bóliminiń, laboratoriiasynda, basshysy Bilialovqa barǵanymda 10-15 minýt
"govorite po-riýzki" dep meniń aldymda áinekterin tars jaýyp ustap turdy.
Áreń degende ar jaǵynan bireý keldi de, sharýamdy aittym. Keri qaitqanda burynǵy «Lastochka» bazary, qazir «proizvodstvennoe obedinenie lider» ǵoi deimin, soǵan kirdim, tamaq almaqqa. 1,5-2 aidyń tóńireginde 3-4 ret kelip turýym. Ylǵi qazaqsha emes, mýzyka baǵamdary tek RF tilinde", – dep jazypty qoǵam belsendisi.
Al qatty qorlanǵanyna atalǵan mekemeniń direktorymen bolǵan kikiljiń sebep bolǵan. Til janashyry únemi orys ánderiniń oinap turǵanyna eskertý jasamaq bolǵan.
Rýza hanym endi álgi Pavel saǵat keshki 17.00 – ge deiin keshirim suramasa qalalyq ákimshiliktiń aldynda ashtyq jariialaitynyn málimdedi. Al politsiia ustap áketse, qamaýda jatyp jalǵastyra bermekshi.
– Men kerek deseńizder, ózimniń ólimim arqyly búkil dúnie júzine marginal, qubyjyq qazaq biligin kórsetip, qazaq tiline halyqaralyq arasha suraimyn. Mul naǵyz diskriminatsiia! Neshe jyl tózip kelemin ǵoi, endi tózbeimin,- deidi ol.
Al biz tańdanystamyz.
Kerekýde Rýzaǵa qol sozatyn, tildiń taǵdyryna alańdaityn ult janashyrlary joq pa?
Áleýmettik jelide belsendi kórinetin jastar qaida? Olar nege únsiz? Úisizdik úidei báleden qutqarmaidy ǵoi...
