شەگىنە جەتتى. مەملەكەتتىك ءتىلدى قاشانعى تابانعا تاپتايدى؟ قاشانعى "ورىسشا سويلە" دەپ قاقىلداپ تۇرادى. بۇلارمەن قالاي كۇرەسۋگە بولادى؟ اشتىق جاريالاپ.
كەرەكۋدە تۋراتىن قوعام بەلسەندىسى رۋزا بەيسەنبايتەگى بوساعاسىنان "گوۆوريتە پو رۋسسكيي" دەپ قارسى الاتىندارعا قارسى اشتىق جاريالاماق. وسىندايلاردىڭ بىرىنەن اۋىز ءسوز ەستىگەن رۋزا اپاي الگىلەر بۇگىن ساعات كەشكى 5-كە دەيىن كەشىرىم سۇراماسا وسىنداي قادامعا باراتىنىن ايتۋدا.
رۋزا بەيسەنبايتەگى الەۋمەتتىك جەلىدە بۇل تۋرالى بىلاي دەپ جازعان:
"قازاقتار! شىدامىم جەتتى، وسىنى كوزىمدى جاسقا بۇلاپ ازەر جازىپ وتىرمىن. بۇگىن، تاڭەرتەڭ ۇلتتىق ەكسپەرتيزا ءبولىمىنىڭ، لابوراتورياسىندا، باسشىسى بيليالوۆقا بارعانىمدا 10-15 مينۋت
"گوۆوريتە پو-ريۋزكي" دەپ مەنىڭ الدىمدا اينەكتەرىن تارس جاۋىپ ۇستاپ تۇردى.
ارەڭ دەگەندە ار جاعىنان بىرەۋ كەلدى دە، شارۋامدى ايتتىم. كەرى قايتقاندا بۇرىنعى «لاستوچكا» بازارى، ءقازىر «پرويزۆودستۆەننوە وبەدينەنيە ليدەر» عوي دەيمىن، سوعان كىردىم، تاماق الماققا. 1،5-2 ايدىڭ توڭىرەگىندە 3-4 رەت كەلىپ تۇرۋىم. ىلعي قازاقشا ەمەس، مۋزىكا باعامدارى تەك رف تىلىندە"، – دەپ جازىپتى قوعام بەلسەندىسى.
ال قاتتى قورلانعانىنا اتالعان مەكەمەنىڭ ديرەكتورىمەن بولعان كيكىلجىڭ سەبەپ بولعان. ءتىل جاناشىرى ۇنەمى ورىس اندەرىنىڭ ويناپ تۇرعانىنا ەسكەرتۋ جاساماق بولعان.
رۋزا حانىم ەندى الگى پاۆەل ساعات كەشكى 17.00 – گە دەيىن كەشىرىم سۇراماسا قالالىق اكىمشىلىكتىڭ الدىندا اشتىق جاريالايتىنىن مالىمدەدى. ال پوليسيا ۇستاپ اكەتسە، قاماۋدا جاتىپ جالعاستىرا بەرمەكشى.
– مەن كەرەك دەسەڭىزدەر، ءوزىمنىڭ ءولىمىم ارقىلى بۇكىل دۇنيە جۇزىنە مارگينال، قۇبىجىق قازاق بيلىگىن كورسەتىپ، قازاق تىلىنە حالىقارالىق اراشا سۇرايمىن. مۇل ناعىز ديسكريميناسيا! نەشە جىل ءتوزىپ كەلەمىن عوي، ەندى توزبەيمىن،- دەيدى ول.
ال ءبىز تاڭدانىستامىز.
كەرەكۋدە رۋزاعا قول سوزاتىن، ءتىلدىڭ تاعدىرىنا الاڭدايتىن ۇلت جاناشىرلارى جوق پا؟
الەۋمەتتىك جەلىدە بەلسەندى كورىنەتىن جاستار قايدا؟ ولار نەگە ءۇنسىز؟ ۇيسىزدىك ۇيدەي بالەدەن قۇتقارمايدى عوي...
