Týǵan jerge degen tartýlardyń birin Rýhani jańǵyrý baǵdarlamasy aiasynda jeke kásipker Esbol Qambarov Otyrar aýdanyndaǵy Aqtóbe aýylynda zamanaýi talapqa sai 240 oryndyq Áýesbek Qambarov atyndaǵy sport keshenin paidalanýǵa berdi.
Aýdan ákimdiginiń usynysyn qabyl alǵan jeke kásipker Esbol Áýesbekuly budan buryn qurylys jumystaryn bastap, bolashaq sport kesheniniń qazyǵyn qaǵý rásimin ótkizgen bolatyn. Mine, araǵa az ǵana ýaqyt salyp, jeke kásipker demeýshiligimen salynyp, aýyldyń ajaryna sán qosqan keshen qurylysy tolyǵymen aiaqtalyp, aqtóbelikterdi zor qýanyshqa keneltti.
Bolashaqta osy keshende shyńdalǵan balǵyn sportshylarymyz halyqaralyq deńgeidegi jarystarda top jaryp, Olimp shyńyn baǵyndyratyndyǵyna senim bildirdi aýyl turǵyndary.
Aýyl turǵyndarynyń alǵysyna bólengen jany jomart azamatqa el aǵalary qurmetpen er qanaty at mingizip, iyǵyna zerli shapan japty. Endigi jerde aýyl turǵyndary sporttyń kúres, boks, kishi fýtbol, volleibol, basketbol, ústel tennisi sekildi birneshe túrimen shuǵyldanyp, buqaralyq sportty damytýǵa óz úlesterin qosatyn bolady.
Sport kesheniniń ashylý rásiminen soń tyl ardageri Áýesbek Qambarulyn eske alýǵa arnalǵan volleiboldan oblystyq birinshilikpen jalǵasyn tapty. Turǵyndar arasynda buqaralyq sportty damytý, salaýatty ómir saltyn nasihattaý maqsatynda ótip jatqan týrnirge oblysymyzdan 10 komanda qatysyp, baqtaryn synady.
