Memleket basshysynyń baspasóz hatshysy Rýslan Jeldibaı Halyqaralyq dzúdo federasıasynyń (IJF) jańa tehnologıalar jáne tıimdilikti arttyrý boıynsha komısıasynyń dırektory bolyp taǵaıyndaldy. Bul jóninde ol óziniń Facebook paraqshasynda málimdedi, dep habarlaıdy Dalanews.kz.
"Halyqaralyq dzúdo federasıasynyń (IJF) jańa tehnologıalar jáne tıimdilikti arttyrý boıynsha komısıasynyń dırektory qyzmetine taǵaıyndaldym. Bul - qosymsha qoǵamdyq qyzmet. Senim bildirgen IJF basshylyǵyna, Marıýs Vızer myrzaǵa alǵys bildiremin. Elimizdiń halyqaralyq sport uıymdarynda ókilderiniń bolýy - óte mańyzdy. Bul qadam arqyly elimizdiń bedelin nyǵaıtýmen qatar, tájirıbe de almasamyz. Dzúdony elimizde damytý baǵytynda biraz jumys atqarylyp jatyr. Áli de másele jeterlik. Dzúdony keńinen damytý úshin arnaıy akademıa, al aımaqtarda ortalyqtar qajet bolyp tur. Halyqaralyq yntymaqtastyqty da arttyramyz. Osy iske barynsha óz úlesimdi qosamyn", - dep jazdy Rýslan Jeldibaı.
