مەملەكەت باسشىسىنىڭ باسپاسٶز حاتشىسى رۋسلان جەلدٸباي حالىقارالىق دزيۋدو فەدەراتسيياسىنىڭ (IJF) جاڭا تەحنولوگييالار جەنە تيٸمدٸلٸكتٸ ارتتىرۋ بويىنشا كوميسسيياسىنىڭ ديرەكتورى بولىپ تاعايىندالدى. بۇل جٶنٸندە ول ٶزٸنٸڭ Facebook پاراقشاسىندا مەلٸمدەدٸ, دەپ حابارلايدى Dalanews.kz.
"حالىقارالىق دزيۋدو فەدەراتسيياسىنىڭ (IJF) جاڭا تەحنولوگييالار جەنە تيٸمدٸلٸكتٸ ارتتىرۋ بويىنشا كوميسسيياسىنىڭ ديرەكتورى قىزمەتٸنە تاعايىندالدىم. بۇل - قوسىمشا قوعامدىق قىزمەت. سەنٸم بٸلدٸرگەن IJF باسشىلىعىنا, ماريۋس ۆيزەر مىرزاعا العىس بٸلدٸرەمٸن. ەلٸمٸزدٸڭ حالىقارالىق سپورت ۇيىمدارىندا ٶكٸلدەرٸنٸڭ بولۋى - ٶتە ماڭىزدى. بۇل قادام ارقىلى ەلٸمٸزدٸڭ بەدەلٸن نىعايتۋمەن قاتار, تەجٸريبە دە الماسامىز. دزيۋدونى ەلٸمٸزدە دامىتۋ باعىتىندا بٸراز جۇمىس اتقارىلىپ جاتىر. ەلٸ دە مەسەلە جەتەرلٸك. دزيۋدونى كەڭٸنەن دامىتۋ ٷشٸن ارنايى اكادەمييا, ال ايماقتاردا ورتالىقتار قاجەت بولىپ تۇر. حالىقارالىق ىنتىماقتاستىقتى دا ارتتىرامىز. وسى ٸسكە بارىنشا ٶز ٷلەسٸمدٸ قوسامىن", - دەپ جازدى رۋسلان جەلدٸباي.
