Shymkent qalasy ákiminiń orynbasary Rýslan Berdenovke jasalǵan qastandyq boiynsha qylmystyq is sotqa tústi, dep habarlaidy Dalanews.kz.
Aldyn ala tyńdaýlar 28 shilde kúni saǵat 10:00-ge belgilendi.
Eske salaiyq, buǵan deiin Shymkent ákiminiń orynbasary Rýslan Berdenovke qastandyq jasaý deregi boiynsha tergeý aiaqtalǵanyn habarlaǵan edik.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Politsiia málimetinshe, kúdikti ustalyp, ýaqytsha ustaý izoliatoryna qamalǵan, bul derek boiynsha qylmystyq is qozǵalǵan.
