Rýdnyı qalasyndaǵy mýzeıdiń ekspozısıasyna qatysty áleýmettik jelide syn aıtyldy, dep habarlaıdy Dala News.

TikTok jelisinde taraǵan vıdeoda avtor mýzeıde Qazaqstannyń táýelsizdigine nemese ulttyq bolmysyna qatysty derekterdiń joq ekenin alǵa tartady. Onyń aıtýynsha, ekspozısıa negizinen Keńes dáýirine arnalǵan.

«Munda qalanyń qalaı qurylǵany, ken óndirisi kórsetilgen. Biraq bul Qazaqstan ekenin bildiretin eshteńe joq. Barlyǵy keńestik kezeń, orys turmysy», – deıdi vıdeo avtory.

Kadrlardan mýzeı ishinde keńestik sımvolıka, turmystyq zattar men sol kezeńge tán eksponattar kórsetilgeni baıqalady.

Jeli qoldanýshylary arasynda bul jaǵdaı túrli pikir týdyrdy. Biri mýzeıdiń tarıhı baǵytyna baılanysty ekenin aıtsa, endi biri ulttyq mazmunnyń azdyǵyn synǵa aldy.

Ázirge Rýdnyı qalasynyń mýzeıi nemese jergilikti bılik bul máselege qatysty resmı túsinikteme bergen joq.