رۋدنىي قالاسىنداعى مۋزەيدىڭ ەكسپوزيسياسىنا قاتىستى الەۋمەتتىك جەلىدە سىن ايتىلدى، دەپ حابارلايدى Dala News.
TikTok جەلىسىندە تاراعان ۆيدەودا اۆتور مۋزەيدە قازاقستاننىڭ تاۋەلسىزدىگىنە نەمەسە ۇلتتىق بولمىسىنا قاتىستى دەرەكتەردىڭ جوق ەكەنىن العا تارتادى. ونىڭ ايتۋىنشا، ەكسپوزيسيا نەگىزىنەن كەڭەس داۋىرىنە ارنالعان.
«مۇندا قالانىڭ قالاي قۇرىلعانى، كەن ءوندىرىسى كورسەتىلگەن. ءبىراق بۇل قازاقستان ەكەنىن بىلدىرەتىن ەشتەڭە جوق. بارلىعى كەڭەستىك كەزەڭ، ورىس تۇرمىسى»، – دەيدى ۆيدەو اۆتورى.
كادرلاردان مۋزەي ىشىندە كەڭەستىك سيمۆوليكا، تۇرمىستىق زاتتار مەن سول كەزەڭگە ءتان ەكسپوناتتار كورسەتىلگەنى بايقالادى.
جەلى قولدانۋشىلارى اراسىندا بۇل جاعداي ءتۇرلى پىكىر تۋدىردى. ءبىرى مۋزەيدىڭ تاريحي باعىتىنا بايلانىستى ەكەنىن ايتسا، ەندى ءبىرى ۇلتتىق مازمۇننىڭ ازدىعىن سىنعا الدى.
ازىرگە رۋدنىي قالاسىنىڭ مۋزەيى نەمەسە جەرگىلىكتى بيلىك بۇل ماسەلەگە قاتىستى رەسمي تۇسىنىكتەمە بەرگەن جوق.
