Atom energiiasy jónindegi agenttigi Reseige qarsy sanktsiialar Qazaqstandaǵy AES qurylysyna ziianyn tigizbeitinin jetkizdi. Qazirgi konsortsiým kóshbasyndaǵy "Rosatom" sanktsiialar tizimine enbegen, dep habarlaidy Dalanews.kz.
"Bolashaqta jekelegen elderdiń jariialaýy yqtimal qosymsha sanktsiialar paketi boiynsha qandai da bir táýekelder týyndaǵan jaǵdaida, qazaqstandyq kompaniialar basqa jobalarda da qoldanǵan tiisti sharttyq tetikterdi iske qosatyn bolady. Iaǵni, kelisimshartta sanktsiialar týyndaǵanda qarastyrylatyn quqyqtyq quraldar bar. Bul rette áleýmettik-gýmanitarlyq qajettilikterine jáne klimat boiynsha kún tártibinde qarastyrylatyn basty máselelerdiń biri bolýyna bailanysty atom energetikasy sanktsiia tizimderine engizilmegen", - dep atap ótti vedomstvodan.
Agenttik Rosatomnyń "táýekelder boiynsha muqiiat baǵalaýdan" ótkenin, onyń ishinde Reseige qarsy sanktsiialar engizý stsenariileri jáne jabdyqty jetkizýdegi yqtimal problemalar da zerlengenin aitady. Sondai-aq, jetkizýshini tańdaý kezinde mamandar sanktsiialyq komplaens bóliginde halyqaralyq zańgerlermen keńesken.
