اتوم ەنەرگياسى جونىندەگى اگەنتتىگى رەسەيگە قارسى سانكسيالار قازاقستانداعى اەس قۇرىلىسىنا زيانىن تيگىزبەيتىنىن جەتكىزدى. قازىرگى كونسورسيۋم كوشباسىنداعى "روساتوم" سانكسيالار تىزىمىنە ەنبەگەن، دەپ حابارلايدى Dalanews.kz.
"بولاشاقتا جەكەلەگەن ەلدەرءدىڭ جاريالاۋى ىقتيمال قوسىمشا سانكسيالار پاكەتى بويىنشا قانداي دا ءبىر تاۋەكەلدەر تۋىنداعان جاعدايدا، قازاقستاندىق كومپانيالار باسقا جوبالاردا دا قولدانعان ءتيىستى شارتتىق تەتىكتەرءدى ىسكە قوساتىن بولادى. ياعني، كەلىسىمشارتتا سانكسيالار تۋىنداعاندا قاراستىرىلاتىن قۇقىقتىق قۇرالدار بار. بۇل رەتتە الەۋمەتتىك-گۋمانيتارلىق قاجەتتىلىكتەرىنە جانە كليمات بويىنشا كۇن تارتىبىندە قاراستىرىلاتىن باستى ماسەلەلەردىڭ ءبىرى بولۋىنا بايلانىستى اتوم ەنەرگەتيكاسى سانكسيا تىزىمدەرىنە ەنگىزىلمەگەن"، - دەپ اتاپ ءوتتى ۆەدومستۆودان.
اگەنتتىك روساتومنىڭ "تاۋەكەلدەر بويىنشا مۇقيات باعالاۋدان" وتكەنىن، ونىڭ ىشىندە رەسەيگە قارسى سانكسيالار ەنگىزۋ سەنارييلەرى جانە جابدىقتى جەتكىزۋدەگى ىقتيمال پروبلەمالار دا زەرلەنگەنىن ايتادى. سونداي-اق، جەتكىزۋشىنى تاڭداۋ كەزىندە ماماندار سانكسيالىق كومپلاەنس بولىگىندە حالىقارالىق زاڭگەرلەرمەن كەڭەسكەن.
