Premer-ministrdiń birinshi orynbasary Roman Skliar QTJ-daǵy basshylyq qyzmette otyrǵan adamnyń qolastyndaǵylarǵa aiǵailap, ursyp jatqan videosyna qatysty pikir bildirdi, dep habarlaidy Dalanews.kz.
"Nurlan Ermekuly aitqandai, QTJ óte kúrdeli kompaniia. QTJ-da eń bastysy qaýipsizdik. Temirjolshymen áńgime júrgizildi. Bári túsindirildi. Ol jumysyn jalǵastyrýda", - dep qazaq tilinde jaýap berdi Skliar.
Aita keteiik, buǵan deiin áleýmettik jelilerde «QTJ – Júk tasymaldary» JShS-niń lokomotiv sharýashylyǵy jónindegi bas direktorynyń orynbasary qyzmetkerlermen qatty daýys kóterip, beiádep sózder qoldanǵan sáti túsirilgen video tarady.
QTJ bul videodaǵy adamnyń shynynda da kompaniia basqarýshylarynyń biri ekenin rastady. Ulttyq kompaniia ókilderi onyń áreketi úshin áńgime júrgizilgenin habarlady.
Sonymen qatar, QTJ basshylyq ókiliniń mundai emotsiiaǵa barýyna belgili bir sebepter bolǵanyn aityp, ony ishinara aqtap otyr. Ulttyq kompaniia onyń shamadan tys emotsionaldy bolýyn «jaǵdaidyń kúrdeliligimen» bailanystyrdy.
Al búgin Memleket basshysy Qasym-Jomart Toqaev «Qazaqstan temir joly» UK» AQ basqarma tóraǵasy Talǵat Aldybergenovti qabyldady.
Prezidentke ulttyq kompaniia qyzmetiniń nátijeleri týraly málimet berildi.
Talǵat Aldybergenov:
- biylǵy birinshi jartyjyldyqtyń qorytyndysy boiynsha eksplýatatsiialyq júk ainalymy 8,6 paiyzǵa ulǵaiǵanyn aitty.
Tranzit tasymalynyń kólemi 14,6 million tonnaǵa jetken.
Transulttyq temirjol dálizin qalyptastyrý úshin 1700 shaqyrymnan astam jańa jeli salynyp, 3 myń shaqyrym jol jańǵyrtylyp jatqany týraly baiandady:
- biyl Dostyq-Moiynty ýchaskesindegi joldyń ekinshi bóligi jáne Almaty beketin ainalyp ótetin temir jol jelisiniń qurylysy aiaqtalady;
- Darbaza – Maqtaaral jobasyn iske asyrý jalǵasýda;
- Baqty – Aiagóz jáne Qyzyljar – Moiynty jelileriniń qurylysy bastaldy.
Terminal jelilerin keńeitý jumystary júrgizilip jatqany jóninde málimet berdi.
Tsifrlandyrý máselesine airyqsha nazar aýdarylatynyn jetkizdi:
- Álemdik deńgeidegi innovatsiianyń kóshbasshylarymen birlesip, temirjol kóliginiń sapasyn jaqsartý jáne qaýipsizdigin qamtamasyz etý jumystary qolǵa alynǵan;
- Transkaspii halyqaralyq kólik dálizindegi tranzittik deklaratsiiany resimdeý ýaqyty 8 saǵattan 30 minýtqa deiin qysqardy.
Memleket basshysy Qazaqstannyń tranzit áleýetin jáne ekonomikasyn damytýda kompaniia úlken ról atqaratynyn atap ótip, kólik infraqurylymyn odan ári jańǵyrtýdyń mańyzyna toqtaldy.
