Komıtet otyrysy barysynda eki eldiń ortalyq memlekettik organdary ókilderiniń qatysýymen kedergisiz saýdany damytý úshin qolaıly jaǵdaı jasaý, eki eldiń kóliktik ózara baılanysyn nyǵaıtý, óndiristi lokalızasıalaý arqyly Qazaqstan aýmaǵynda birlesken ınvestısıalyq jobalardy iske asyrý, sondaı-aq mádenı-gýmanıtarlyq yntymaqtastyqty keńeıtý máseleleri talqylandy, dep habarlaıdy Dalanews.kz. 

İs-shara qorytyndysy boıynsha taraptar Qazaqstan-Qytaı Yntymaqtastyq komıteti 12-shi otyrysynyń hattamasyna qol qoıdy. Taraptar Komıtettiń qyzmetin jetildirý maqsatynda onyń quramyna Indýstrıalyq-ınvestısıalyq yntymaqtastyq jónindegi úılestirý komıtetin qosý jáne Bilim salasynda kishi komıtet qurý týraly sheshim qabyldady. Sondaı-aq taraptar sý resýrstary jáne muraǵat salasyndaǵy vedomstvoaralyq yntymaqtastyqty nyǵaıtý jónindegi qujattarǵa qol qoıdy.

Taraptar Qazaqstan men Qytaıdyń arasyndaǵy keń aýqymdy máseleler boıynsha yntymaqtastyqtyń damý dınamıkasyn oń baǵalady. Ótken jyldyń qorytyndysy boıynsha ekijaqty saýda kólemi $43,8 mlrd-ty qurady.