كوميتەت وتىرىسى بارىسىندا ەكى ەلدىڭ ورتالىق مەملەكەتتىك ورگاندارى وكىلدەرىنىڭ قاتىسۋىمەن كەدەرگىسىز ساۋدانى دامىتۋ ءۇشىن قولايلى جاعداي جاساۋ، ەكى ەلدىڭ كولىكتىك ءوزارا بايلانىسىن نىعايتۋ، ءوندىرىستى لوكاليزاسيالاۋ ارقىلى قازاقستان اۋماعىندا بىرلەسكەن ينۆەستيسيالىق جوبالاردى ىسكە اسىرۋ، سونداي-اق مادەني-گۋمانيتارلىق ىنتىماقتاستىقتى كەڭەيتۋ ماسەلەلەرى تالقىلاندى، دەپ حابارلايدى Dalanews.kz.
ءىس-شارا قورىتىندىسى بويىنشا تاراپتار قازاقستان-قىتاي ىنتىماقتاستىق كوميتەتى 12ء-شى وتىرىسىنىڭ حاتتاماسىنا قول قويدى. تاراپتار كوميتەتتىڭ قىزمەتىن جەتىلدىرۋ ماقساتىندا ونىڭ قۇرامىنا يندۋستريالىق-ينۆەستيسيالىق ىنتىماقتاستىق جونىندەگى ۇيلەستىرۋ كوميتەتىن قوسۋ جانە ءبىلىم سالاسىندا كىشى كوميتەت قۇرۋ تۋرالى شەشىم قابىلدادى. سونداي-اق تاراپتار سۋ رەسۋرستارى جانە مۇراعات سالاسىنداعى ۆەدومستۆوارالىق ىنتىماقتاستىقتى نىعايتۋ جونىندەگى قۇجاتتارعا قول قويدى.
تاراپتار قازاقستان مەن قىتايدىڭ اراسىنداعى كەڭ اۋقىمدى ماسەلەلەر بويىنشا ىنتىماقتاستىقتىڭ دامۋ ديناميكاسىن وڭ باعالادى. وتكەن جىلدىڭ قورىتىندىسى بويىنشا ەكىجاقتى ساۋدا كولەمى $43،8 ملرد-تى قۇرادى.
