QR Premer-ministriniń birinshi orynbasary Roman Skliar bastaǵan Úkimet delegatsiiasy Qyzylorda oblysyna jumys saparymen bardy. Sapar barysynda delegatsiia óńirdegi birqatar nysandy, sonyń ishinde Qyzylorda qalasyndaǵy "Qorqyt Ata" halyqaralyq áýejaiynyń jańa terminaly jumysymen tanysty, dep habarlaidy Dalanews.kz.
Terminal Memleket basshysynyń tapsyrmasymen ótken jyldyń qarashasynda Qazaqstan Premer-ministri Oljas Bektenovtiń qatysýymen ashylǵan bolatyn. Nysannyń qurylysyna 16,6 mlrd teńge jeke investitsiia salyndy. Jergilikti biýdjetten injenerlik-kommýnikatsiialyq infraqurylymǵa 4,3 mlrd teńgeden astam qarjy bólindi.
Ári qarai Roman Skliar delegatsiia múshelerimen Qyzylorda qalasynda júzege asyrylyp jatqan «Jolaýshylar vagondaryn jóńdeý, tehnikalyq qyzmet kórsetý kesheni jáne vagon qurastyrý zaýyty» jobasy tanystyryldy. Jobaǵa 15,4 mlrd teńge investitsiia tartylyp, ony iske asyrý eki kezeń boiynsha júzege asady.
Keshenniń josparlanǵan qýaty jolaýshylar vagondaryn jóndeý men qyzmet kórsetýdi jaqsartýǵa, sondai-aq jańa úlgiler shyǵarýǵa múmkindik beredi. Bul Qazaqstanda, onyń ishinde óńirde temirjol kóliginiń damýyna oń áser etedi.
Úkimet delegatsiiasy odan ári qarai kirpish zaýytynyń qurylysyn jáne shyny zaýytynyń jumysymen tanysty. Kirpish zaýytyna Qyzylorda qalasyndaǵy «Óndiris» indýstriialyq aimaǵynan 7 gektar jer telimi berildi, jylyna 90 mln dana kirpish shyǵarylady degen jospar bar.
Shyny zaýytynda jylyna 197,1 myń tonna shyny óndirilip, Resei Ózbekstan, Qyrǵyzstan jáne Tájikstanǵa eksporttalady. Búginde zaýytta 366 maman jumys isteidi. Ótken jyly shyny zaýyty ishinen energiia únemdeitin shyny óndirisiniń jańa jelisi iske qosyldy. Qytailyq investor aldaǵy ýaqytta 2 kezeńge josparlanǵan jańa investitsiialyq jobany iske asyrmaq.
Roman Skliar sonymen qatar Qyzylordadaǵy jańa JEO qurylysynyń barysymen tanysty. Jobanyń quny – 215 mlrd teńge, qýaty – 240 MVt. Búgingi tańda investor – «Aqsa Energi» túrik kompaniiasy nysannyń qurylysyna 135 mlrd teńgeden astam qarjy saldy. Jańa JEO iske qosylǵan kezde óńirdi elektr energiiasymen tolyq qamtamasyz etedi.
Sonymen qatar úkimettik delegatsiia aimaqtaǵy jol infraqurylymyn damytý máselesi nazarda boldy. Roman Skliar "Táýelsizdikke – 25 jyl" dańǵylyn qaita jańǵyrtý barysyn kórdi. Ótken jyldan beri Beibarys sultan kóshesinen Ábilqaiyr han kóshesine deiingi Syrdariia ózeniniń qorǵanys bógeti nyǵaitylyp, atalǵan dańǵyldyń 6,7 shaqyrymy qaita jańǵyrtyldy.
"Jaily mektep" ulttyq jobasy aiasynda Qyzylorda oblysynda 6,9 myń oryndyq 10 mektep salý josparlanǵan. Búgingi tańda onyń ishinde 5 mektep paidalanýǵa berildi. Biyl qalǵan 5 oqý ornynyń qurylysyn aiaqtaý josparlanýda.
Sonymen qatar oblystyq biýdjetten halyqaralyq standarttarǵa sáikes keletin 11 myń oryndyq stadion salýǵa 20,9 mlrd teńge bólindi. Búgingi tańda Shyǵys jáne Batys tribýnalarynyń metall konstrýktsiialaryn montajdaý tolyǵymen aiaqtaldy, qabyrǵalar, ishki bólimder jáne syrtqy vitrajdar tóselýde.
Roman Skliar jańa avtovokzaldyń jumysymen de tanysty. Ol ótken jyly paidalanýǵa berildi. Ǵimarat jolaýshylarǵa qajetti jabdyqtarmen jabdyqtalǵan jáne 200 adamǵa arnalǵan. Jobanyń quny – 975 mln teńge.
Aita ketý kerek, óńirde shaǵyn ónerkásiptik aimaqtardy qurý boiynsha da belsendi jumystar júrgizilýde. Bul óz kezeginde halyqty jumyspen qamtý, shaǵyn jáne orta biznes sýbektileri úshin infraqurylym máselelerin sheshýge yqpal etedi.
Sońǵy úsh jylda óńirde qurylys jumystarynyń kólemi ulǵaidy. Ótken jyldyń qorytyndysy boiynsha ósim 153,8%-dy qurady. Iske qosylǵan turǵyn úi kólemi ósti, ol rekordtyq kórsetkishke – 866,8 myń m2 jetti. Eger 2022–2023 jyldary 4 myńǵa jýyq páter paidalanýǵa berilse, ótken jyly kiltterdi 2,5 myńnan astam otbasy tapsyrdy. Sonymen qatar, halyqtyń áleýmettik osal toptary úshin turǵyn úi satyp alý boiynsha Qyzylorda oblysy respýblikada 1948 páter kórsetkishimen 2-shi oryndy ielendi.
QR Premer-ministriniń birinshi orynbasary Roman Skliar oblysta atqarylǵan jumystardy atap ótip, Qyzylorda óńiri respýblikanyń ońtústiginde ekonomikalyq ósimniń draiveri bolýǵa tiis ekenin atap ótti.
