Roman Skliar Eurasian Resources Group kompaniiasyn basqarýy múmkin. Bul týraly Financial Times osy kompaniianyń ishki qujattaryna silteme jasap jazdy, dep habarlaidy dalanews.kz.
Basylym málimetinshe, juma kúni direktorlar keńesi basshylyq quramdaǵy iri ózgeristerdi talqylaý úshin jinalady. Sonyń ishinde Roman Skliardy holdingtiń jańa basshysy etip taǵaiyndaý máselesi qaralady.
Qazir kompaniiany Shýhrat Ibragimov basqarady. Ol - ERG negizin qalaýshylardyń biri Álijan Ibragimovtiń uly. Alaida Financial Times málimetinshe, holding ishinde kompaniiany baqylaýǵa qatysty tartys júrip jatyr.
Buǵan deiin Aleksandr Mashkevich pen Patoh Shodievtiń otbasylary óz úlesin qazaqstandyq kásipker Shahmurat Mútálipke satqysy keletini aitylǵan edi. Mámile shamamen 1,4 mlrd dollarǵa baǵalanyp otyr.
Financial Times aqparatyna súiensek, bul kelisimdi Glencore qoldaýǵa daiyn. Basylym Roman Skliardyń taǵaiyndalýy men aktsionerler quramyndaǵy ózgerister Qazaqstan biliginiń ERG-ge yqpalyn kúsheitýi múmkin dep boljap otyr.
