Ridder qalasynda kópten kútken qýanysh. 1 qyrkúiek – Bilim kúni shahardaǵy qazaq tilinde bilim beretin «Shańyraq» mektep-gimnaziiasynyń jańa ǵimaraty oqýshylarǵa esigin aiqara ashty. Jańa bilim ordasynyń qurylysy «Kaztsink» kompaniiasynyń tolyq qarjylai qoldaýymen júzege asty, dep habarlaidy dalanews.kz.
Jańa oqý jylyn «Shańyraq» ujymy múlde jańa jaǵdaida bastady. 600 oqýshyǵa shaqtalǵan zamanaýi mektepte balalardyń sapaly bilim, sanaly tárbie alýyna, sportpen shuǵyldanýyna jáne shyǵarmashylyq qabiletin shyńdaýyna qajetti barlyq múmkindik qarastyrylǵan.
Bilim ordasy Shyǵys Qazaqstan oblysynyń ákimdigi, Ridder qalasynyń ákimdigi jáne «Kaztsink» JShS arasyndaǵy úshjaqty memorandým aiasynda boi kóterdi.
Mekteptiń saltanatty ashylý rásimine Shyǵys Qazaqstan oblysynyń ákimi Nurymbet Saqtaǵanov qatysyp, ustazdar men oqýshylardy jańa oqý jylymen quttyqtady.
“Biyl oblysymyzda 10 myńǵa jýyq jas búldirshin mektep tabaldyryǵyn alǵash attap otyr. Onyń 60-tan astamy osy Shańyraq mektebine qabyldandy. Jańa oqý jylynda shekaralyq aimaq sanalatyn Marqakól aýdany, jańadan qurylǵan Samar aýdany jáne óndirisi qýatty Ridder qalasynda úsh jańa mektep paidalanýǵa berildi. 600 oryndyq zamanaýi “Shańyraq” mektep-gimnaziiasy – keleshekte bilim men innovatsiianyń kóshin bastap, elimizdiń bilimdi, básekege qabiletti jastaryn tárbieleitin irgeli bilim ordasyna ainalsyn. Jańa oqý jyly qutty bolsyn!” - dedi ShQO ákimi Nurymbet Saqtaǵanov.
Jańa mekteptiń boi kóterýi – óńirdegi áleýmettik áriptestiktiń jarqyn úlgisi. «Kaztsink» JShS Bas direktory Janat Janbotin bilim salasyna jasalǵan mundai qoldaýdyń mánine toqtaldy.
“Bul – kásiporyn men óńir arasyndaǵy áleýmettik áriptestiktiń naqty nátijesi. Sebebi, bilim salasyna salynǵan investitsiia – eń aldymen, balalardyń bolashaǵyna jasalǵan investitsiia. Aldaǵy ýaqytta áleýmettik jobadardy qoldaýǵa at salysa beremiz”, - dedi "Kaztsink" JShS Bas direktory Janat Janbotin.
Jańa bilim ordasynda oqý úderisin zamanaýi talaptarǵa sai uiymdastyrýǵa barlyq jaǵdai jasalǵan. 5-11 synyptarǵa arnalǵan keń ári jaryq kabinetter, mamandandyrylǵan sheberhanalar, zamanaýi kitaphana men resýrs ortalyǵy oqýshylardyń bilim kókjiegin keńeitýge múmkindik beredi. Al bastaýysh synyp oqýshylary úshin tolyǵymen oqshaýlanǵan ári qaýipsiz oqý aimaǵy qarastyrylǵan. Mektepte úlken jáne kishi sport zaldary, 135 oryndyq akt zaly, meditsinalyq blok, sondai-aq logoped pen psiholog kabinetteri bar.
Balalardyń densaýlyǵy men durys tamaqtanýyna da erekshe mán berilgen. Zamanaýi jabdyqtalǵan ashana oqýshylardyń sapaly ári ystyq tamaqtanýyn qamtamasyz etýge múmkindik beredi.
Mektep aýmaǵy da oqýshylardyń bos ýaqytyn tiimdi ótkizýge arnalǵan keńistikke ainalǵan. Munda fýtbol, voleibol jáne basketbol alańdary, kásibi talaptarǵa sai 250 metrlik júgirý jolaǵy, túrli jastaǵy balalarǵa arnalǵan oiyn jáne demalys oryndary jabdyqtalǵan.
Ridderdegi jańa mektep – bilim alýshylar úshin jai ǵana jańa ǵimarat emes, bilim men izdeniske, sport pen shyǵarmashylyqqa jol ashatyn zamanaýi orta. Bilim kúni paidalanýǵa berilgen bul bilim ordasy shahardaǵy talai balanyń úlken armanyna bastar alǵashqy baspaldaq bolmaq.
