Parij Olimpiadasynan bas tartqan qazaqstandyq tennisshiler Elena Rybakina men Iýliia Pýtintseva Kanadada ótetin jarysqa da qatyspaidy, dep habarlaidy Dalanews.kz.
Bul týraly QR Tennis Federatsiiasy Azattyq Rýhy-nyń saýalyna jaýap berý kezinde málimdedi.
"Elena Rybakina men Iýliia Pýtintseva Torontoda irikteýden bastalǵan týrnirde oinaidy degen jalǵan aqparat paida boldy. Ókinishke qarai, bizdiń keibir áriptesterimiz aqparatty tekserýden góri haipty artyq kórip, qoǵamǵa jalǵan aqparat taratyp otyr. QTF baspasóz qyzmetiniń basshysy retinde Pýtintseva men Rybakina Torontoǵa baryp, oiyn kórsetpeitinin aitqym keledi", - delingen habarlamada.
Fedaratsiia baspasóz qyzmetiniń habarlaýynsha, buryn tizimge engen sportshylardyń esimi týrnirler júiesinen dereý alynyp tastalmaidy.
"Sondyqtan olardyń aty WTA saittarynda jáne ár túrli platformada saqtalýy múmkin. Nelikten ekeni belgisiz, sportshynyń atyn alyp tastaý uzaq ýaqytty alady", - dedi federatsiiadan.
Eske salsaq, eki sportshy da buǵan deiin Parij Olimpiadasyna aýyryp qalǵandaryna bailanysty qatyspaǵan edi.
