پاريج وليمپياداسىنان باس تارتقان قازاقستاندىق تەننيسشىلەر ەلەنا رىباكينا مەن يۋليا پۋتينسيەۆا كانادادا وتەتىن جارىسقا دا قاتىسپايدى، دەپ حابارلايدى Dalanews.kz.
بۇل تۋرالى ق ر تەننيس فەدەراسياسى Azattyq Rýhy-نىڭ ساۋالىنا جاۋاپ بەرۋ كەزىندە مالىمدەدى.
"ەلەنا رىباكينا مەن يۋليا پۋتينسيەۆا تورونتودا ىرىكتەۋدەن باستالعان تۋرنيردە وينايدى دەگەن جالعان اقپارات پايدا بولدى. وكىنىشكە قاراي، ءبىزدىڭ كەيبىر ارىپتەستەرىمىز اقپاراتتى تەكسەرۋدەن گورى حايپتى ارتىق كورىپ، قوعامعا جالعان اقپارات تاراتىپ وتىر. قتف باسپا ءسوز قىزمەتىنىڭ باسشىسى رەتىندە پۋتينسيەۆا مەن رىباكينا تورونتوعا بارىپ، ويىن كورسەتپەيتىنىن ايتقىم كەلەدى"، - دەلىنگەن حابارلامادا.
فەداراسيا باسپا ءسوز قىزمەتىنىڭ حابارلاۋىنشا، بۇرىن تىزىمگە ەنگەن سپورتشىلاردىڭ ەسىمى تۋرنيرلەر جۇيەسىنەن دەرەۋ الىنىپ تاستالمايدى.
"سوندىقتان ولاردىڭ اتى WTA سايتتارىندا جانە ءار ءتۇرلى پلاتفورمادا ساقتالۋى مۇمكىن. نەلىكتەن ەكەنى بەلگىسىز، سپورتشىنىڭ اتىن الىپ تاستاۋ ۇزاق ۋاقىتتى الادى"، - دەدى فەدەراسيادان.
ەسكە سالساق، ەكى سپورتشى دا بۇعان دەيىن پاريج وليمپياداسىنا اۋىرىپ قالعاندارىنا بايلانىستى قاتىسپاعان ەدى.
