Búgin Túrkistan oblysynyń ákimi Janseiit Túimebaev Túrkistan qalasyndaǵy qurylys nysandaryn aralap, atqarylyp jatqan sharýalarmen tanysty. Ondaǵy jumystarǵa qanyqqan aimaq basshysy qurylysty qarqyndatýdy tapsyrdy.
«Qazir kún jyly, aýa raiy qolaily. Sondyqtan 2 aýysymda jumys istep, qurylys qarqynyn eki esege arttyrý kerek. Ǵimarattar jańa Túrkistannyń kórkine kórik qosatyn, zamanaýi talapqa sai, kórikti, ári bekem bolýy tiis. Qurylysqa otandyq ónimderdi paidalanǵan jón. Barlyǵymyz kún-tún demei, qalany órkendetýge aianbai eńbek etýimiz kerek», – dedi Janseiit Qanseiituly.
Búgingi kúni shaHarda 26 kópqabatty úidiń qurylys jumystary júrgizilýde. Onyń ishinde aýdany 61,6 myń sharshy metr nemese 1200 páterdi quraityn 20 úi respýblikalyq biýdjet esebinen salynýda.
Aǵymdaǵy jyldyń I jartyjyldyǵynda 660 páterli 11 úi el igiligine tapsyrylatyn bolsa, II jartyjyldyǵynda 540 páterli 9 úi paidalanýǵa beriledi dep kútilýde.
Bul turǵyn úiler baspana kezeginde turǵan muqtaj azamattarǵa beriledi.
Odan bólek, «ÁKK Túrkistan» AQ-y jalpy aýdany 18,5 myń sharshy metr bolatyn, 336 páterli 6 úidiń qurylysy júrgizilýde. Jospar boiynsha biyl qurylys jumystary aiaqtalyp, shilde aiynda paidalanýǵa berilmek.
Bul páterlerdi «7-20-25» memlekettik baǵdarlamasy aiasynda da ielenýge múmkindik týady.
Sondai-aq, Túrkistan qalasy, Otyrar móltekaýdanynda 38 gektar aýmaqqa 4 turǵyn úi keshenin salý josparlanýda.
Onda jalpy aýdany 196,3 myń sharshy metr bolatyn 2724 páterli, 88 kópqabatty turǵyn úi boi kóteredi. 2019 jyly 8 turǵyn úi paidalanýǵa beriliedi. 80 turǵyn úi 2020 jyly paidalanýǵa tapsyrylady.
