بۇگىن تۇركىستان وبلىسىنىڭ اكىمى جانسەيىت تۇيمەبايەۆ تۇركىستان قالاسىنداعى قۇرىلىس نىساندارىن ارالاپ، اتقارىلىپ جاتقان شارۋالارمەن تانىستى. ونداعى جۇمىستارعا قانىققان ايماق باسشىسى قۇرىلىستى قارقىنداتۋدى تاپسىردى.

«ءقازىر كۇن جىلى، اۋا رايى قولايلى. سوندىقتان 2 اۋىسىمدا جۇمىس ىستەپ، قۇرىلىس قارقىنىن ەكى ەسەگە ارتتىرۋ كەرەك. عيماراتتار جاڭا تۇركىستاننىڭ كوركىنە كورىك قوساتىن، زاماناۋي تالاپقا ساي، كورىكتى، ءارى بەكەم بولۋى ءتيىس. قۇرىلىسقا وتاندىق ونىمدەردى پايدالانعان ءجون. بارلىعىمىز كۇن-تۇن دەمەي، قالانى وركەندەتۋگە ايانباي ەڭبەك ەتۋىمىز كەرەك»، – دەدى جانسەيىت قانسەيىت ۇلى.

بۇگىنگى كۇنى شاھاردا 26 كوپقاباتتى ءۇيدىڭ قۇرىلىس جۇمىستارى جۇرگىزىلۋدە. ونىڭ ىشىندە اۋدانى 61،6 مىڭ شارشى مەتر نەمەسە 1200 پاتەردى قۇرايتىن 20 ءۇي رەسپۋبليكالىق بيۋدجەت ەسەبىنەن سالىنۋدا.

اعىمداعى جىلدىڭ ءى جارتىجىلدىعىندا 660 پاتەرلى 11 ءۇي ەل يگىلىگىنە تاپسىرىلاتىن بولسا، ءىى جارتىجىلدىعىندا 540 پاتەرلى 9 ءۇي پايدالانۋعا بەرىلەدى دەپ كۇتىلۋدە.

بۇل تۇرعىن ۇيلەر باسپانا كەزەگىندە تۇرعان مۇقتاج ازاماتتارعا بەرىلەدى.

ودان بولەك، «اكك تۇركىستان» اق-ى جالپى اۋدانى 18،5 مىڭ شارشى مەتر بولاتىن، 336 پاتەرلى 6 ءۇيدىڭ قۇرىلىسى جۇرگىزىلۋدە. جوسپار بويىنشا بيىل قۇرىلىس جۇمىستارى اياقتالىپ، شىلدە ايىندا پايدالانۋعا بەرىلمەك.

بۇل پاتەرلەردى «7-20-25» مەملەكەتتىك باعدارلاماسى اياسىندا دا يەلەنۋگە مۇمكىندىك تۋادى.
سونداي-اق، تۇركىستان قالاسى، وتىرار مولتەكاۋدانىندا 38 گەكتار اۋماققا 4 تۇرعىن ءۇي كەشەنىن سالۋ جوسپارلانۋدا.

وندا جالپى اۋدانى 196،3 مىڭ شارشى مەتر بولاتىن 2724 پاتەرلى، 88 كوپقاباتتى تۇرعىن ءۇي بوي كوتەرەدى. 2019 جىلى 8 تۇرعىن ءۇي پايدالانۋعا بەرىلىەدى. 80 تۇرعىن ءۇي 2020 جىلى پايدالانۋعا تاپسىرىلادى.