Ákimder arasyndaǵy reitingte kósh basynda turǵan Abai oblysynyń ákimi Nurlan Uranhaev óz ornyna qatysty pikir bildirdi, dep habarlaidy Dalanews.kz.
Bul týraly ol Ortalyq kommýnikatsiialar qyzmetinde ótken brifingte málimdedi.
Uranhaev kez kelgen jaǵdaida halyqtyń ádil baǵasy úshin jumys isteitinin atap ótti.
"Óz basym reitingtiń bolǵanynan bolmaǵanyn qup kóremin. Sol kezde osyndai suraqtar týyndamaidy. Ózimdi áriptesterimmen jaqsy- jaman dep salystyrǵym kelmeidi. Sebebi barlyǵymyz halyqtyń baǵasy úshin ǵana jumys isteimiz. Eń mańyzdysy da sol. Qatar júrgen áriptesterimnen jaqsymyn dep aitpaǵanmyn. Aitpaimyn da. Bul reitingtiń qalai shyqqanyn da bilmegen ekenmin", – dedi Nurlan Uranhaev.
