Iri telekom-operator respýblikadaǵy GPON 531 tehnologiiasy boiynsha mektepti joǵary jyldamdyqty internetke qosýdy josparlap otyr. Bul bilim berý mekemelerin tsifrlandyrýdyń jáne mektepterdegi internet bailanysynyń sapasyn arttyrýdyń kelesi kezeńi bolmaq, dep habarlaidy Dalanews.kz.
2024 jyldyń basty jetistikteriniń biri bilim berý mekemeleriniń bultty beinebaqylaý jáne tsifrlandyrý jobalarynyń sátti aiaqtalýy boldy. «Jaily mektep» ulttyq jobasy boiynsha 217 mektep qurylysynyń birinshi kezeńi aiasynda 104 oqý orny paidalanýǵa berildi. Olardyń kópshiliginde Qazaqtelekom talshyqty-optikalyq bailanys jelilerin salyp, joǵary jyldamdyqty internetke qol jetkizýdi qamtamasyz etti. Jalpy, búginde 7 866 mekteptiń 4 000-ǵa jýyǵy kompaniianyń qyzmetimen qamtylǵan. Ótken jyly shamamen 240 shaqyrym talshyqty-optikalyq jeliler salyndy, bul 374 mektepti qosýǵa múmkindik berdi. 2025 jyly taǵy 300 shaqyrym talshyqty-optikalyq bailanys jelilerin salý jáne 531 bilim berý mekemesin qosý josparlanǵan.
«Bilim berýdiń qaýipsizdigi men sapasy - qoǵamnyń tabysty damýynyń irgeli qaǵidasy. Qazaqtelekom bilim berý mekemelerin tsifrlandyrýǵa baǵyttalǵan strategiialyq mańyzdy bastamalardy iske asyrýdy jalǵastyrýda. Biz bultty beinebaqylaýdy qosa alǵanda, zamanaýi tehnologiialardy engize otyryp, jergilikti atqarýshy organdarmen belsendi bailanystamyz», - dep atap ótti «Qazaqtelekom» AQ Basqarma múshesi, Korporativtik biznes jónindegi Divizionnyń bas direktory Álibek Indykbaev.
Kompaniianyń 2024 jylǵy mańyzdy bastamasy «Memlekettik-jekemenshik - áriptestik 1.0» jobasy sheńberinde aýyldyq mektepterde internet-qosylý jyldamdyǵyn edáýir arttyrý boldy. 891 oqý ornynda qoljetimdilik jyldamdyǵy 5 esege — 10 Mbit/s-tan 50 Mbit/s-qa deiin ulǵaityldy. Bul qashyqtyqtan oqytý men onlain bilim berý qyzmetteriniń sapasyn aitarlyqtai arttyrdy.
Internet-infraqurylymdy tsifrlandyrýdan basqa, ótken jyly Atyraý jáne Qaraǵandy oblystarynyń mektepterinde bultty beinebaqylaý boiynsha aýqymdy joba iske asyryldy. Eki óńirdiń 300 oqý ornynda bilim berý mindetterine beiimdelgen 4,5 myńnan astam kamera ornatylǵan. Sonymen qatar, dabyl túimeleri jabdyqtaldy, al bilim basqarmalarynda Sitýatsiialyq ortalyq quryldy, onda sabaqtardyń barysy, úlgerimi jáne synyptardaǵy ózara is-qimyl taldanady. Osy oblystardyń politsiia departamentteriniń jedel basqarý ortalyqtarynyń júiesine kirigýi qaýipsizdikti baqylaýdy edáýir kúsheitýge múmkindik berdi.
Qazaqtelekom sonymen qatar tsifrlandyrý múmkindikterin keńeite otyryp, bilim berý mekemeleri úshin Smart-sheshimderdi belsendi damytýda. Almaty oblysynyń Atyraý, Qonaev jáne Arna aýylynyń oqý oryndarynda Aqyldy mektep pilottyq jobasy — trafik súzgisi bar internet, Wi-Fi jabyny, jasandy intellekt bazasyndaǵy beineanalitika platformasy jáne dabyl túimesi bar keshendi sheshim iske asyrylýda.
«Árbir bailanys tek tehnologiialyq qadam ǵana emes, sonymen qatar bolashaq urpaqqa qosqan úles. Biz 21 ǵasyrda tsifrlandyrý tiimdi bilim berý protsesiniń negizgi quramdas bóligi ekenin túsinemiz. Biz osy mańyzdy ózgeristiń bir bóligi bola alatynymyzdy maqtan tutamyz», - dep atap ótti «Qazaqtelekom» AQ Basqarma tóraǵasynyń birinshi orynbasary Arnur Nurqatov.
Kompaniia mektepterge zamanaýi tehnologiialarǵa qol jetkizýdi qamtamasyz ete otyryp, qaýipsizdik deńgeiin arttyryp, sondai-aq, jańa býyndy oqytý úshin jaǵdailardy jaqsartyp, bilim berý mekemelerin tsifrlandyrý boiynsha jumysty jalǵastyrady.
