Almatyda joiqyn jer silkinisi boljanyp otyr ma? TJD ókili jaýap berdi, dep habarlaidy dalanews.kz.
28 qyrkúiekte saǵat 09:38-de Qyrǵyzstan aýmaǵynda jer silkinisi bolǵan, jerasty dúmpýi Almaty qalasynda 3-4 ball bolyp sezilgen.
"Seismologiialyq baiqaý jáne zerteýler ulttyq ǵylymi ortalyǵynyń boljam komissiiasynyń qorytyndysyna sáikes saǵat 10:30-daǵy jaǵdai boiynsha joiqyn jer silkinisteri boljanyp otyrǵan joq. Sabyr saqtaýlaryńyzdy jáne resmi derekke senýlerińizdi suraimyz. Jaǵdai TJD baqylaýynda", - dedi vedomstvo ókili.
Eske salaiyq, jer silkinisi 28 qyrkúiekte saǵat 09:38-de tirkelgen edi. Jerasty dúmpýi Almatydan 8 shaqyrym jerde bolǵan.
Buǵan deiin TJM jer silkinisi bylai sezilgenin habarlady:
- Jer silkinisiniń oshaǵynan 6 shaqyrym jerdegi Almatyda 3-4 ball;
- Jer silkinisiniń oshaǵynan 18 shaqyrym jerdegi Qaskeleńde 2-3 ball;
- Jer silkinisiniń oshaǵynan 19 shaqyrym jerdegi Boraldai aýylynda 2-3 ball;
- Jer silkinisiniń oshaǵynan 28 shaqyrym jerdegi Ótegen batyr aýylynda 2 ball.
