ءىرى تەلەكوم-وپەراتور رەسپۋبليكاداعى GPON 531 تەحنولوگياسى بويىنشا مەكتەپتى جوعارى جىلدامدىقتى ينتەرنەتكە قوسۋدى جوسپارلاپ وتىر. بۇل ءبىلىم بەرۋ مەكەمەلەرىن سيفرلاندىرۋدىڭ جانە مەكتەپتەردەگى ينتەرنەت بايلانىسىنىڭ ساپاسىن ارتتىرۋدىڭ كەلەسى كەزەڭى بولماق، دەپ حابارلايدى Dalanews.kz.
2024 جىلدىڭ باستى جەتىستىكتەرىنىڭ ءبىرى ءبىلىم بەرۋ مەكەمەلەرىنىڭ بۇلتتى بەينەباقىلاۋ جانە سيفرلاندىرۋ جوبالارىنىڭ ءساتتى اياقتالۋى بولدى. «جايلى مەكتەپ» ۇلتتىق جوباسى بويىنشا 217 مەكتەپ قۇرىلىسىنىڭ ءبىرىنشى كەزەڭى اياسىندا 104 وقۋ ورنى پايدالانۋعا بەرىلدى. ولاردىڭ كوپشىلىگىندە قازاقتەلەكوم تالشىقتى-وپتيكالىق بايلانىس جەلىلەرىن سالىپ، جوعارى جىلدامدىقتى ينتەرنەتكە قول جەتكىزۋدى قامتاماسىز ەتتى. جالپى، بۇگىندە 7 866 مەكتەپتىڭ 4 000-عا جۋىعى كومپانيانىڭ قىزمەتىمەن قامتىلعان. وتكەن جىلى شامامەن 240 شاقىرىم تالشىقتى-وپتيكالىق جەلىلەر سالىندى، بۇل 374 مەكتەپتى قوسۋعا مۇمكىندىك بەردى. 2025 جىلى تاعى 300 شاقىرىم تالشىقتى-وپتيكالىق بايلانىس جەلىلەرىن سالۋ جانە 531 ءبىلىم بەرۋ مەكەمەسىن قوسۋ جوسپارلانعان.
«ءبىلىم بەرۋدىڭ قاۋىپسىزدىگى مەن ساپاسى - قوعامنىڭ تابىستى دامۋىنىڭ ىرگەلى قاعيداسى. قازاقتەلەكوم ءبىلىم بەرۋ مەكەمەلەرىن سيفرلاندىرۋعا باعىتتالعان ستراتەگيالىق ماڭىزدى باستامالاردى ىسكە اسىرۋدى جالعاستىرۋدا. ءبىز بۇلتتى بەينەباقىلاۋدى قوسا العاندا، زاماناۋي تەحنولوگيالاردى ەنگىزە وتىرىپ، جەرگىلىكتى اتقارۋشى ورگاندارمەن بەلسەندى بايلانىستامىز»، - دەپ اتاپ ءوتتى «قازاقتەلەكوم» اق باسقارما مۇشەسى، كورپوراتيۆتىك بيزنەس جونىندەگى ديۆيزيوننىڭ باس ديرەكتورى الىبەك يندىكبايەۆ.
كومپانيانىڭ 2024 جىلعى ماڭىزدى باستاماسى «مەملەكەتتىك-جەكەمەنشىك - ارىپتەستىك 1.0» جوباسى شەڭبەرىندە اۋىلدىق مەكتەپتەردە ينتەرنەت-قوسىلۋ جىلدامدىعىن ەداۋىر ارتتىرۋ بولدى. 891 وقۋ ورنىندا قولجەتىمدىلىك جىلدامدىعى 5 ەسەگە — 10 مبيت/س-تان 50 مبيت/س-قا دەيىن ۇلعايتىلدى. بۇل قاشىقتىقتان وقىتۋ مەن ونلاين ءبىلىم بەرۋ قىزمەتتەرىنىڭ ساپاسىن ايتارلىقتاي ارتتىردى.
ينتەرنەت-ينفراقۇرىلىمدى سيفرلاندىرۋدان باسقا، وتكەن جىلى اتىراۋ جانە قاراعاندى وبلىستارىنىڭ مەكتەپتەرىندە بۇلتتى بەينەباقىلاۋ بويىنشا اۋقىمدى جوبا ىسكە اسىرىلدى. ەكى ءوڭىردىڭ 300 وقۋ ورنىندا ءبىلىم بەرۋ مىندەتتەرىنە بەيىمدەلگەن 4،5 مىڭنان استام كامەرا ورناتىلعان. سونىمەن قاتار، دابىل تۇيمەلەرى جابدىقتالدى، ال ءبىلىم باسقارمالارىندا سيتۋاسيالىق ورتالىق قۇرىلدى، وندا ساباقتاردىڭ بارىسى، ۇلگەرىمى جانە سىنىپتارداعى ءوزارا ءىس-قيمىل تالدانادى. وسى وبلىستاردىڭ پوليسيا دەپارتامەنتتەرىنىڭ جەدەل باسقارۋ ورتالىقتارىنىڭ جۇيەسىنە كىرىگۋى قاۋىپسىزدىكتى باقىلاۋدى ەداۋىر كۇشەيتۋگە مۇمكىندىك بەردى.
قازاقتەلەكوم سونىمەن قاتار سيفرلاندىرۋ مۇمكىندىكتەرىن كەڭەيتە وتىرىپ، ءبىلىم بەرۋ مەكەمەلەرى ءۇشىن Smart-شەشىمدەردى بەلسەندى دامىتۋدا. الماتى وبلىسىنىڭ اتىراۋ، قونايەۆ جانە ارنا اۋىلىنىڭ وقۋ ورىندارىندا اqyldy mektep پيلوتتىق جوباسى — ترافيك سۇزگىسى بار ينتەرنەت، Wi-Fi جابىنى، جاساندى ينتەللەكت بازاسىنداعى بەينەاناليتيكا پلاتفورماسى جانە دابىل تۇيمەسى بار كەشەندى شەشىم ىسكە اسىرىلۋدا.
«ءاربىر بايلانىس تەك تەحنولوگيالىق قادام عانا ەمەس، سونىمەن قاتار بولاشاق ۇرپاققا قوسقان ۇلەس. ءبىز 21 عاسىردا سيفرلاندىرۋ ءتيىمدى ءبىلىم بەرۋ پروسەسىنىڭ نەگىزگى قۇرامداس بولىگى ەكەنىن تۇسىنەمىز. ءبىز وسى ماڭىزدى وزگەرىستىڭ ءبىر بولىگى بولا الاتىنىمىزدى ماقتان تۇتامىز»، - دەپ اتاپ ءوتتى «قازاقتەلەكوم» اق باسقارما ءتوراعاسىنىڭ ءبىرىنشى ورىنباسارى ارنۇر نۇرقاتوۆ.
كومپانيا مەكتەپتەرگە زاماناۋي تەحنولوگيالارعا قول جەتكىزۋدى قامتاماسىز ەتە وتىرىپ، قاۋىپسىزدىك دەڭگەيىن ارتتىرىپ، سونداي-اق، جاڭا بۋىندى وقىتۋ ءۇشىن جاعدايلاردى جاقسارتىپ، ءبىلىم بەرۋ مەكەمەلەرىن سيفرلاندىرۋ بويىنشا جۇمىستى جالعاستىرادى.
