اباي وبلىسىندا جانتۇرشىگەرلىك جول اپاتى بولىپ، ءۇش ادام قازا تاپتى، دەپ حابارلايدى Dalanews.kz.
2 قاراشادا ساعات 05:45 شاماسىندا ومبى–مايقاپشاعاي تاسجولىنىڭ 615/706-شاقىرىمىندا Toyota Avensis جەڭىل كولىگى مەن Howa جۇك كولىگى جول اپاتىنا ۇشىراعان.
جول اپاتى سالدارىنان Toyota Avensis كولىگىنىڭ جۇرگىزۋشىسى مەن ەكى جولاۋشىسى وقيعا ورنىندا قازا تاپتى.
"بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 345-بابى 4-بولىگى بويىنشا ("كولىك قۇرالدارىن باسقاراتىن ادامداردىڭ جول ءجۇرىسى قاعيدالارىن بۇزۋى، ابايسىزدا ەكى نەمەسە ودان دا كوپ ادامنىڭ ولىمىنە اكەپ سوعۋ") سوتالدى تەرگەپ-تەكسەرۋ باستالدى. ءقازىر ءتيىستى سوت ساراپتامالارى تاعايىندالىپ، تەرگەۋ جۇرگىزىلىپ جاتىر"، - دەپ جازىلعان حابارلامادا.
